من سوالف بنيه الجربا

السلام عليكم ورحمة الله وبركاته

بنيه الجربا لاشك علم من اعلام شمر وسبق ان تحدثت عنه بمواضيع سابقه
وجبت من سوالفه قبل كذا
لكن من اشهر سوالفه الله يرحمه اللي بينه وبين ابن معبهل

هذا محمد بن معبهل فارس من فرسان قبيلة الروله ورجال معروف بالرجوله والفروسيه

يقولون نزل انت يابن معبهل ومعه ربعه الروله باطراف حايل
وهم يقاصرون واحدن شمري من الموكا من الاسلم كان ماني متوهم

يقولون يامار الاسلمي راعي زرع وحضري وهم يضايقونه انتم يالروله
نوبن يرعون بزرعه دون اذن وياخذون مفالي حلاله يامار ماله حيله هو وحيد وهم قوم

يامار باكالوقت من اشهر فرسان شمر على الاطلاق بنيه
وهو يدلي الموكا ينخى بنيه

وصل العلم لبنيه وهو يحطه بقلبه
مرت السنيين يقولون يامار ابن معبهل رجالٍ "نذوخ" يامنهم قالوا ياحلو اكاالبنت
كود ياصل دياره ويشوفه

الوكاد يامار العربان يحكون ببنت ابن مهيد انه من اجمل بنات العرب وهو ينوي ابن معبهل
شوفته
وهو يمشي ابن معبهل للفدعان من عنزه اللي منهم البنت بنت ابن مهيد

يقولون يوم دخل البيوت واقبل على بيت ابن مهيد يقول يامار هذيك البنت واقفة عند رفة البيت وهو يتنصاه يامار ماشاء الله على ذكر الناس له
يقولون وهو مقبل عليه تمنى بقلبه لو تصير معركه يبيه تشوف فعله
يو جاه وهو يطلب منه شي يشربه وهو تجيب له اكا الطاسه وبه لبن يوم بغى ياخذه
وهو تصيح العربان قالوا وش نوحكم قالوا شمر غزت علينا "يامار جتك يابو مهنا على ماتمنا"

وهو ينتخي قدامه " وانا راعي العليا ابن معبهل" وهو ينطح الخيل يوم اقبل عليهم يامار الفدعان منهزمين وفرسان شمر وراهم تلحقهم قال "وانا راعي العليا ابن معبهل" وهو يرد عليهم نوبتن ثانيه
يامار شمر بقيادة بنيه الجربا وهو يسمعه بنيه يوم هو ينتخي
يامار بنيه يبيه وهو ينطحه بنيه وهم يتجادعون وهو ينحاش ابن معبهل
ويلحقه بنيه ياما وصله بيوت الفدعان يامار من زود القراده فرس ابن معبهل تنصت بيت ابن مهيد
يوم اقبلوا على البنت وهو يكز الرمح انت يالجربا ياشاقتن فخذ ابن معبهل وهو يقع بالقاع
قال بنيه هذي عن زرع الموكا
وهو يلتفت بنيه يامار البنت واقفه ومعه الطاسه ويحسبن بالطاسه ماء

"ومن عوايد العرب يامنك شربت من حليب نياق هالعرب ومالحتهم تحرم عليك نياقهم"

قال بنيه عطينن هالماء وهي تمد له الطاسه وهو يشرب يامار حليب
وهو يضحك بنيه قال: خدعتيني وهو يلتفت لشمر قال ياشمر ترو حلال هالبنت واهله حرامن علينا

وهم يردون شمر حلال البنت لاهله ويقفون ببقية الحلال

وهذي من سوالف طيب بنيه الجربا


منقول من مضايف شمر
كاتب الموضوع الأصلي هو مشعل الغفيلي

 

 

 

 

 

 

 

 

 

 

مشكور اخي متعب على هذا النقل الجميا وبارك الله فيك ورحم الله الفارس البطل المغوار

بنية الجربا الذي عجزت النساء ان يلدن بمثله


تحية شمرية طائية

القدس

 

 

 

 

 

 

 

 

 

 

مشكور اخوي نمر على هذاالمرور والتعليق الجميل

 

 

 

 

 

 

 

 

 

 

اخي اشكرك على هذه القصه عن بنيه وهذه قصه ثانيه عن بنيه .. كان يوجد بيوت من عنزه وجائهم الخبر بأن بنيه الجربا قادم لغزوهم
وكانت امرأه شمريه متزوجه من احد افراد قبيلة عنزه وكانت على وشك الولاده وقد اخرت عنزه الرحيل من اجلها وبعد ثلاث ايام وصل بنيه الى مضارب عنزه واخذ حلالهم وصار نساء عنزه يدعون على المرأه الشمريه لأنها كانت السبب في اخذ حلالهم من قبل شمر ... على اثر ذلك ذهبت الشمريه الى بنيه وقالت له ان عنزه اقاموا من اجلي ولم يرحلوا بسبب ولادتي وقد اصبحت نذير شؤم عليهم .. وعندما سمع بنيه كلامها طلب
من شمر اعادة الحلال الى عنزه من اجل الشمريه ..وهذه القصه مشهوره عند شمر وعنزه

 

 

 

 

 

 

 

 

 

 

عشــــــت والله يا متعب الخريصي ... سالفه طيبه من رجل طيب ..


ملاحظه : ابن معبهل اسمه ((فهيد)) وليس ((محمد)) ,, الف شكر يا متعب

وتقبل التحيه ..

 

 

 

 

 

 

 

 

 

 

بعد الاذن من الاخ الغالي/ متعب الخريصي ..


مدام جبت سيرة (فهيد بن معبهل) .. ابذكر لكم قصة و(فاتــه)

يقولون كانوا مجموعه من الروله راحلين واميرهم او عقيدهم فهيد بن معبهل
وزوجته هي قوت بنت ابن شعلان .. مزيونه ومن اجمل بنات العرب..

المهم: الرحايل تسير والبل والناس والحلال وبمقدمتهم (فهيد بن معبهل)
كان فهيد راكب فرسه ومفرع وهو شاب وله شعر طويل ووسيم و ذو قامه فارعه وفرسه اصيله
والجو كان غيم ومطر فكان السحاب ينزل عليه وهو ينفض راسه عن الماء.

المشهد هذا شد ولفت نظر زوجته التي تعشقه ويعشها لحد الجنون ..
وكانت راكبه فوق العطفه (الهودج) وبجانبها رجل من رفاق فهيد .. وهوالنعيضي من شمر صديق حميم لفهيد بن معبهل..
يعني كان فهيد لحاله وعلى بعد امتار من القوافل الراحله.

المهم قالت زوجة فهيد : ابسئلك بالله يا النعيضي (الموت اللي يجي الناس هو يجي فــهــيـــد؟؟؟))
وهي تنظر لفهيد بعين العشق والغرام ..

قال : لاااااااااااا فهيد فارس وخيال وعجزوا الرجال عن ذبحه..
هو رد يبي يسكته وما يبي يفزعه لانه يدري انه تغلي فهيد..

قالت زوجة فهيد : ابسئلك بالله يا النعيضي (الموت اللي يجي الناس هو يجي فــهــيـــد؟؟؟ مره ثانيه !!
قال : لاااااااا يا بنت الاجواد فهيد كريم وطيب وشجاع والله ساتر عليه ..

قالت زوجة فهيد : ابسئلك بالله يا الشمري (الموت اللي يجي الناس هو يجي فــهــيـــد؟؟؟ ثالث مره
قال النعيضي الشمري بعد ان طالت واكثر السؤال:
(((يـمــوت وأخــس من يمـــوت فــهــيــد)))
زهق النعيضي طفش منه وقال الحقيقه..

عندما سمعت قـــوت كلام النعيضي شــهــقــت (شهقت الموت) وطاحت من ناقتها على الارض وماتت..
القوم كانوا قريبين والعبيد والحريم المهم صاحوا ولجوا وفزعوا..

عندها التفت الفارس / فهيد بن معبهل الى العــرب واتى بحصانه مسرعا..

طالع فهيد لزوجته بالارض,, فسئل عنها .. قالوا : مــاتـــت ...
نزل من حصانه ووضع فمه بفمها ومــــــــات !!!

هذي هي نهاية الفارس فهيد بن معبهل .. فلم يمت بسيف او برمح يا سبحان الله!!!


قصه تتحدث عن اروع قصص البدو التي تحكي عن الغرام الحب والعشق..

فارجوا ان تحوز على رضاكم:

تقبلوا التحيه:

 

 

 

 

 

 

 

 

 

 

سنجار

مشكور على المرور واضافتك للموضوع
وتسلم يدك يالغالي

 

 

 

 

 

 

 

 

 

 

اخوي الغالي اورنس

شاكر لك مرورك والتصحيح اسم الفارس ابن معبهل

والف شكر على اضافتك القصه الرائعه

وتقبل تحياتي ياابن العم

 

 

 

 

 

 

 

 

 

 

مشكووورين والله يعطيكم العافيه الاخ متعب واورنس

 

 

 

 

 

 

 

 

 

 

الله يعافيك اخوي ابو عايض
ومشكور على مرورك الكريم