أقصر خطاك وخل ممشاك بالهون = يا عز واغلى من تراعيه عيني
حرّك رموش العين بالعين مفتون = أبا اطرد أوهامي واثبّت يقيني
أن قيل طرّاد الغنادير مجنون = أنا جنوني من عيونك تجيني
أول مراسيل الهوى نظرة عيون= هي منبع الفتنة وسحراً مبيني
هي فرصةٍ جت لي وانا القلب مطعون= يمكن تروح وما رويت بيميني
أعطيك عمري يا بعد كل مزيون = وارخص على رجواك باقي سنيني
تقول وين ا لناس واقول وشلون = لو شفت زولك ما تنولك يديني
لهفة وسهر عيون وهموم وشجون = وخوفاً على مستقبلي يحتويني
باسرارنا ماودي الناس يدرون = لا لا تحط عداي بينك وبيني
الناس يالغالي عليك يتحدّون = وانا عليك اشفق من أم الجنيني