بنا على طلب العضو بهذا المنتدى راضي الشمري نزلت اللقصه.
القصه بختصار ودقه وامانه.
المخيمر كانو قطين على البريت بضايفه ابن حضيري الصقري العنزي ومعطيهم قليب واسمه(المرقبي) بالبريت لان البريت ملك لصقور من عنزه.
سعين السبيعي العنزي./ جاء ضيف عابرسبيل بتجاه العراق وضاف الهجل من الصقور ضيف ماء ابله عطشاء وتعثر الهجله بضيافه السبيعي لاسباب لا اعرفها او لا ارغب ذكرها.
ورجن على الجو مايقارب 24 ساعه ولاحظه ضبعان وجاه عند ابله مقهوره وقاله وشعلمك يارجل اشوفك من امس منوخ نياقك بها النقره وهي تبي تموت هوماحصلك ماء من معازيبك ؟؟؟
السبيعي لم يرد كلمه واحده بل بكاء وعندما شافه ضبعان يبكي جن جنون ضبعان وقام وطلق ابل السبيعي وقال اقهرو اباعرنا اليوم الماء لنياق هالسبيعي وقهرنياقه ضبعان وورد نياق السبيعي واسقاهن وارسل لا اهله قال سوو غدى وهاتوه للقليب. وروين نياق السبيعي ونياق ضبعان مقهورات وجابو الغدى وتغدى السبيعي بوسط نياقه وصدر السبيعي ورفع رايه بيضاء على عصاء لضبعان وكان يردد بصوت عالي ومسموع من كل اهل الماء والقطين وحتى الحريم والاطفال موقفه وكان صوت هذا الرجل غريب بقوته واضح يقول((( بيض الله وجه ضبعان ابن مخيمر الشلاقي الشمري وسود الله وجه الهجل والصفور))) بتردد.وصدر واواصل مسيره للعراق.. انتهت القصه.
الشكر والعرفان هذا السبيعي يواصل ضبعان بحياتهم وتوفو كلهم الله يرحمهم ولكن المعروف لم يموت عيال السعن موجودين ويواصلون عيال ضبعان الي يومنا هذا واكبرعيال السبيعي هو مريعيد ابن سعن السبيعي العنزي وجواله موجود عندي ومعروف ويسكن الرياض واي احد يرغب التاكيد اعطيه جواله.
هذي القصه والف شكر لمن طلبها وعطاني الفرصه لانزلها
طيبنا لشمر وطيب اي شمري لكل شمر.
امل ان تجد تقديرا من الجميع.
تحياتي للجميع
مــن نــــــوادر كــــــــرم الشـــلـــقان *1*
العرض العادي
