مـبـداي
بســمـ الله الرحمن الرحيـمـ
مسـاء / صـباح , , , الـخـيـر يـا وجــه الـخــير
الـصـراحـه عـنـدي قـصـيـده مـتـواضـعـه
عســاهـا تــنـال اعـجـاب الـجمـيـع
طـبـعـن هـي قـصـيده عـن وحــي الـخـيـال
يـعـنـي فـيـهـا امـانـي الـبـنـت الـي يـتـمـنـاهـا كل رجـال
ومع العلم هي قصيده كاتبها قديم
والـقـصـيده تـقــول
,
,
,
يا مهرت(ن) تعجز تروضك فرسان=يا اطهر مخاليق البشر في حياتي
والى انا يا بنت الاجواد حيران=انتي غلات الروح والى غلاتي
ودي اروض مهرتي كيف ما كان=ودي انا اشوف السعد في شفاتي
ودي انا اهديك الشعر دون نقصان=ودي احقق فالمحبه امنياتي
كني غريب وحالتي دون اوطان=وحدي اساهر ليلتي حيل احاتي
اشكي من الوحده وانا وحدي سهران=ودي بشوف الي جنت ذكرياتي
ودي انا اروي خافقي حيل عطشان=واخذ سعد في قربك اليوم هاتي
مشتاقلك يا بنت الاجواد ولهان=وابقى احبك لين اعلن وفاتي
ياليت مره تذكري اجمل مكان=اول لقى مابين ذاتك وذاتي
ذاك المكان الي انا فيه فرحان=فرحت في شوفك وزانت حياتي
شفتك وكنك حور ما كنك انسان=صرتي حياتي والفكر وامنياتي
ما شفت بوصافك انا كل الاوطان=سبحان من خلاك احلى الصفاتي
شعرك مثل شلال ما بين بستان=والشفه وردي يا بعد هالشفاتي
والعين سوده كنها عيون غزلان=ما شفت مثل اعيونها با البناتي
والطول يا محلاه كنه غصن بان=طوله كما مطنوخت(ن)ن با الحلاتي
تملك حلات الناس مع زينت الجان=كل الحلا والزين فيها رقاتي
شيهانة (ن) تنقص على الكتف جنحان=ودي اشوفه كل يوم برضاتي
مزيونت (ن) مثل المهاري بميدان=ومثل البروق الي تنور سماتي
تملك من الزينات ام(ن) واخـوان=وابوها ذيب وما يفوت صلاتي
وامصلصله ما بين عم(ن) وجدان=وخال(ن) على الفزعات لا ما يحاتي
يفيض شعري فيهم اليوم بركان=وافخر انا بهلك واودك بـذاتي
يا زين ما مثلك بهلدنيا غزلان=انتي غزال الزين وانتي غناتي
يا بحر ليت البحر انا فيه ربان=يا كوكب(ن) بالزين بين البناتي
يا سلطنه فيها انا الحالي سلطان=انتي الهنوف وموطنك امنياتي
يا كوكب(ن) خالي ولا فيه سكان=انتي القمر واعجز الاقي ثباتي
طاير بحبك صدقي دون جنحان=اعبر نجوم(ن) لعلعت في سماتي
اطير في حبك وانا وسط ديوان=واهيم بشعاري واللملم شتاتي
ربعي يقولو اشفيه نواف سكران=سارح ومشغول الفكر في سباتي
يا بنت دايم فيك انا دوم هيمان=اذكرك دايم فرحتي ذكرياتي
يا احساس قلبي فيك انا دوم سرحان=واهيم بفكاري وبالحيل احاتي
واهيم بحروفي وانسـجك قيفان=واعيش مع طيفك واناديك تاتي
اشوف زولك دوم في كل الاركان=وافرح بشوفك يا حياتي وذاتي
يا حب فايض مثل فيض(ن) للمزان=يا وردة(ن) تندر مابين النباتي
يا مزنت(ن) بالحب عطر(ن) وهتان=يا فرحت(ن) عاشت ولاقت شفاتي
والله احبك صدقي دون حلفان=وابغاك دايم نجمت(ن) في سماتي
بنيتلك بالقلب حب(ن) وجدران=وزرعت في قلبي غلاك وغلاتي
يا اجمل نساء الكون في كل الازمان=يا ارقى مشاعر شفتها با البناتي
يا فرحت(ن) تاتي بعد كل الاحزان=يا فرحتي يا بسمتي يا غناتي
ما شفت مثلك با المخاليق انسان=يا اطهر مخاليق البشر في حياتي
واختم قوافي الشعر واهديك قيفان=واوصيك واتمناك تمشي بوصاتي
يا بنت ادعي دوم خالقنا رحمان=وانا بعد بدعيه في كل صلاتي
انه يخلينا على طول خلان=وانا بحبك لاين اعلن مماتي
وسـلامتـكـمـ
بقـلمـي اخـوكـمـ ( nawaf aljarba )
,
,