|
|
|
|
كل ساعه تطـوف وساعـة الانتظـار
ننتظرها تطوف ولاصبـر مـن بلـي
بإنتظـار العـذار ومصدريـن العـذار
ليـن صرنانشـابـه قصّةالسنبـلـي
ياقلوب الذيابـه يـا عيـون الحـرار
كيف أحاكم وأنا رجـال لاذنـب لـي
ذنبي إني رفضت الشور والمستشـار
وقلت موسى لآهل موسى وأنا طنب لي
وذنبي إني أحب المشي وضح النهـار
لانهبت الجليب ولاحصِـل كنـب لـي
وذنبي إني شريت حصان بعت الحمار
ومثل سعد العشيره قلت أنا جنب لـي
وذنبي إني زهمت ثنين جـاره وجـار
واحدٍ من ثقيـف و واحـدٍ مـن بلـي
وذنبي إني مثل شمر طـوال العمـار
روسنا دوم فـوق ومذهبـي حنبلـي
وذنبي إني قبست من السناعيس نـار
غير هـذا ورب البيـت لاذنـب لـي
ولو تطوف السفينه مايطوف القطـار
أرض ربي فراشـي والسمـا كنبلـي
ولاتلومونني ياهـل القلـوب الكبـار
من سكن ديرة الشنبل طلـع شنبلـي
واعتبرت الذنوب اللي ذكرت إنتصـار
مثل ما فاز (ليفربـول) فـي ونبلـي
منقول للشاعر ابوجمال المنيس الشمري
مماراق لي |
|
|
|
|