قصيده من أجمل القصائد للشاعر / عبدالله عبيان اليامي
قيلت في صيف حائل عام 2007
يقول اليامي :
لعل الوسم يمطر على ديرة الوافين=واشوف البروق تلوح والقاع ممطوره
ديارٍِ غلاها له بوسط الضلوع سنين=ينادي وعشب فياضها فاحت زهوره
وانا جيت اجدد حب راكان بن حثلين=لاهل سربةٍ بالخيل والطيب مشهوره
سرى يطوي فجوج الخلا والعرب ممسين=يسوقه غلا ( شمر ) وتقدير اخو نوره
عسى الله يلوم اللي يلومه ليوم الدين=ما دام القلوب بحب الابطال مفطوره
قرينا تواريخ العرب والعلوم تبين=وكم بارقٍ ليل الدجى ما حجب نوره
على العز يسري والحقايق تسر العين=مثل لمعة سيوفٍ بالامجاد مشهوره
من فعولها ذكر ( الطنايا ) يهز الصين=ونهار الشدايد لا اعتزوا زعزعوا سوره
سلامي عليهم في العسر واليسر واللين=اقوله وانا روحي على الوصل مسروره
والجميل بعد القصيده مباشرة
أنهالت التحايا والهدايا للشاعر اليامي
حيث قدم عدد من ابناء شمر بعض الهدايا لليامي ( يستاهل ) ،، منها :
1 - منزل + مزرعه مقدمه من الشيخ محمد بن بعيجان العلي الشمري
2 - مزرعة نخيل كبيره + منزل مقدمه من غزّاي رميح الشمري
3 - حصان أصيل + بكره مقدمه من السيد حمدان خلف الشمري
4 - جيب رنج روفر Spot مقدمه من السيد عبيد الشمري
5 - جمل حر + 4 نياق وضح مقدمه من خرصان زامل الشمري
6 - فحل اوضح مقدم من السيد فنخور الأسلمي الشمري
7 - خمس نياق وضح مقدمه من السيد عافت الشمري من مزاين ابل شمر