قصيده الشاعر عويد القرقشي رحمه ماوصلت اليه شمر ومن تصرف الدوله العراقيه عليهم وشمر التي انقذت بغداد من حصار العجم وثبتت عروبة المنطقه من الشعوبيين وشمر التي قامت
بشرارة البدأ بثورة العشرين حين قتل الشيخ ضاري المحمود لجمن
وذهب صفوق اعدام من قبل العثمانيين وبعده عبدالكريم الجربا الذي دمر اربعين موقع للعثمانيين وبعدهم الشيخ نوري الفيصل في ثورة الشواف
فيقول هذه الابيات مذكرن شمر بتاريخهم
ياالله يلي للقبايل دبيره = يامسندي ماغير بأمرك تدابير
انت الغني والناس كله فقيره = عليك يامحيي الهشيم الجثامير
يوم الكواكب غربت مستديره = وسبع النعايم والثريا محادير
العين من كثر الشكاوي سهيره = وصخرت انا قاف التماثيل تصخير
خوذوا كلامن من ظميري بريره = نصيحتي مابه عليكم مخاسير
اشر الدليل من الرجال الخبيره = تر الحمايل مثل روس العنابير
وانحر دروب الطيب لوهي عسيره = درب الردى يرث عليك المعايير
احفظ قفاك من الردى والمعيره = حكي العرب مثل الخشب والمناشير
الاوله كثر اختلاف العشيره = هذا زمانن دمر الناس تدمير
خلى ابن عمك يجدعك باالحفيره = من غرتك يعطي عدوك تسارير
وشفنا حياة ياالطنايا مريره = اسباب من كثرة علينا المخاتير
عقب الرحول ولبسهم للظفيره = اليوم لبسه من خيار الكشامير
تمدنت عقب الحياة الحقيره = ولد النعامه مرتكي به تكل زير
يبي السوالف والعلوم الكبيره = ولابه معزه عقب شر بلا خير
مابه ياغير لراي نفسه بصيره = بين الصحيح وبين كذب وتزوير
دار شفاته يوم كانت غريره = وعصر مضاله يوم كنتوا مناعير
علومكم طبت على كل ديره = بين الظفيري وبين عناز ومطير
قطعانكم ترعى الفلاة الخطيره = وترعى بكم هجف تحظ المقاهير
اللي شربتوا من حلاوي بريره = صفرن مجاهيم وشعلن و مغاتير
وهج الدبش من راس نابي صديره = وفزعوا عواشيق البنات الغنادير
وكثر الصياح وصار باالطرش ذيره = تلاوحوا من فوق قب سواعير
فهود الزراج معدلين الكسيره = بايمانهم شلف تقص الزوافير
هم الذي للدار دايم نطيره = باالسيف سوولهم مقام وتقدير
يوم العجم شرهوا يريدون خيره = تليمت مثل الجراد الطوابير
ولحقت على بغداد حالن خطيره = وطب الخبر لصفوق ريف الخطاطير
بيت العرج والمرتجي والقصيره = بيت عليه الناس وردن وتصدير
بيت يحوش من الوجيه السفيره = بيتن مدح الرمك والمشاهير
بيت به الضرغام سبع الجزيره = ماص يقص مروبعات المسامير
صفوق مرخص بااللزوم الذخيره = ليا امحلت شمر يفك العنابير
وينطح لهم وجه الطحوح المغيره = وسور لهم ليا جلعت باالمقاصير
خلى العبيد يوكبرون الصديره = تقابلن عطاف عوج المناقير
وارسل على شيوخ العرب يستشيره = زمل الحمول اللي تشيل القناطير
قالوا عسى بامرك مع الرشد خيره = شورك بزورك لاترد المشاوير
ودوى بهم حرن يبوج العسيره = فرخ الجروم اللي يشوق الصقاقير
لياشاف بقلوب الرعابيب ذيره = يبنى مظيفه عند تالي المظاهير
وتطانبت مثل حريق السعيره =جهمان باطرافه تدور المداوير
قطعانهم تتلى الظعاين مسيره = واقفى سلفهم والدبش له حزاوير
يما لزم بغداد واطلق حصيره = مشوا عليهم باالنمش والمقاوير
وخلى رجال العجم له صريره = صهرنجتن صوته عليهم بتكبير
وعقبه لفت باالحوتة المستديره = اللي عليهم مثل وصف الخنازير
مصفحاتن ترعبك من هديره = تمشي على خشم المدافع بتدبير
فرق عضاه بين نوطن ونيره = غير المدافع برده باالدنانير
محد وقف له عقب شمر نحيره = نحيرهم تكثر عليه العواثير
لجمن تقصب باالسيوف الشطيره = من كف اخو فلوه بعيد المذاكير
عدل المناكب حافظ له صريره = صريره تبحل جميع التخاتير
وعقبه بعد بايام ذبحة خميره = معارتن يشبع به الضبع والطير
راحت على السوجر طحوح جريره = الكل يحث خيالته باالشوابير
اللي نجى مانشد عن يسيره = مركاض عيان الطنايا المساطير
يادار صرتي للملايح نكيره = وقلت شفاتك لو ربيعك نواوير
اما لنا بك من حقوق كثيره = وراحت مثل ماتدفق الدلو باالبير
وتمت وصلوا عد وبل المطيره = على نبين نور الدين تنوير
قصيده لعويد القرقشي رحمه الله بعد تغير الحكومه العراقيه يذكر بافعال شمر في العراق
العرض العادي
