قبل الإقامه نحتري صوت الآذان=صوت الآذان النفس يجلي كدرها
أليا صفى بالي أنا أجيب ميزان=وأكيل شعري من غزاير بحرها
جزل المعاني أنثره وسط ديوان=مثل الهنوف اللي تناثر شعرها
مثل الشراره تشعل اليوم نيران=فكري مع أحساسي يولد شرّرها
يطري علي قول العرب ماض الازمان=أن القدر ما يركب ألا بحجرها
تحت القدر ثولث هواديه يا فلان=خل الحطب ناره تواقد سعرها
مثل القدر شمر وحنا له أركان=عبده مع الأسلم وزوبع فخرها
من راس سنجار ٍ ليا حد نجران=كل الطنايا ما تحسب خطرها
أليا كتبت الشعر في شمر ألحان=جزل المعاني يوم أقطف ثمرها
( زوبع ) صناديدٍ صواريم شجعان=كن السما شمر وزوبع قمرها
( عبده ) مع وقت اللقا يوم الأكوان=تارد على الأخطار كلّن خبرها
لو الجبال الشم تذبح لضيفان=(الأســلــمي ) للضيف ســلـمى نحــرها
لو الجبال الشــم تذبــــح لضيفـان // الأسلمـي للضيـف سلمى نحـرها
العرض العادي
