بسم الله الرحمن الرحيم
هذا اطال الله عماركم ارسل ممدوح الأميّر من شعراء قبيله عنزه وشيوخها قصيده للشيخ عبد الكريم صفوك العجيل الياور ينتقد بها شمر ويحرضهم على القيام بثوره او عصيان على الحكومه ويقول ان الشيخ دهام الهادي هو ليه جالس بسوريا ماضله نفع ولا يقدر يفك مسجون(من باب التصغير بحق منهم اهل للفزعات والفعل البين وهو الشيخ دهام) ها هنا لما وصلت القصيده للشيخ عبد الكريم الياور ارسله مباشره مع احد رجاله للشاعر عويد القرقشي وطلب يرد عليه مباشره و المرسول واقف عنده وفعلا رد القرقشي بقصيده جزله وشافيه فيقول القرقشي...
ياالله طلبتك وانت خلقك وكيله = يعالم الدنيا بعدله وميله
كان الأميّر بالتماثيل يشتكي = دنياك ياممدوح ماينبكيله
تفتل دواليبه كفى الله شره =غرورةٍ مايلحج راس غيله
اما كثير من المخاليق دمرت = تقوى جميع الناس ماينقويله
ناسٍ تعطر له كما خفرة النسا = وناسٍ على الرجلين يمشي سويله
وكم دولة تحكم على البر والبحر = الله يسبب له اسباب ويزيله
ولامن نهار الا ترى الليل مردفه =وصّيور مايجلي ضحى الشمس ليله
ان اقبلت دنياك حلو هبوبه = وان اقفت ماتسمع اليشتكي له
نوبن عليك ونوب ترجع لصاحبك = ولاينعرف بعدين منهو عميله
البدو ياممدوح شفه بمامضى = تنعى زمان ٍفات واعزتي له
اليا خايلوا برق الثريا ترحلوا = يم الحماد والدبش منتويله
اكفت بهم عوج المناجب تلظهم = واستجنبوا مع كنس الكفل شيله
هذا اللذيذ وباجي العمر يفنى = وصّيور ما فوقه ينطوي له
وانت تعني يم نوح وسفينته = وحنا نريد من المعاني ذبيله
الكف والمخراز ماهي ولايف = وعدل الخمام الملح ماهو عديله
(ولاينطح الدولة) فهيمٍ من الملأ = الا الهبيل وشوفته من هبيله
ونويت انا بعد اتكالي على الولي = قاف القصيدة حاضر وابتديله
يراكب اللي مابعد لسه الضنا = ولاعدلوا من جملة الكفل شيله
حمرا زعاعة بنت حرٍ مجرب = خطرٍ على ركابه من جفيله
خوذ الرسن مني على قدر ساعة = لمااكتب رسالة للمعنا تشيله
وليا قضى خطي عسى فالك الهدى = انسف قراميش الخلا مع صميله
امش الغياب واقطع الليل بالسرى = والدرب من عقب السرى ينطويله
(لعبد الكريم الصفوك )هو راس مقصده = من مصقرة كل العرب تعتنيله
قرم يهلي بالمطية وصاحبه = درب الصخا والمرجلة يعتنيله
(ابوه مكيل الشمريات بالوزى ) = ارخص حلاله يوم قصر مجيله[i]
بحر الندى نزه الشوارب عن الردى = سحابته كل العرب تستخيله
وجده مصوت بالعشا منقع الصخى = ماينعرف قصبه من اذناب حيله[ii]
والجد الآخر عجيل نقال الثقل = عجيل شال حمول ماحد يشيله
صعب الطلايب والمصايب يحله = حيد الزمول ثقالها يرتكيله
ماصار بالماضي شبيهه ولايجي = عنه جميع الناس يقصر طويله
جاني كتابه به فرحنا وسرنا = وغصبن علينا حاجته نعتنيله
وارسلتلك عمليتن تقطع الرسن = قطعيتن ركابها هو دليله
سمعنا بممدوح الاميّر يحثنا = والمرجلة تدرون ماحد جهيله
يحثنا وهو عانز(ن) راس مزبنه = بنجد العزيزة عز من يلتجيله[i]
عاف الحلال وحلته مع رفاقته = بس العوض عنده تماثيل جيله
وحنا بدار جدودنا ديرة العسل = متخالطن حبه لثمرة نخيله[ii]
من نجدٍ جيناه على كوار ضمر = وغصبن خذينا حقنا من حليله
وصارت لنا دار خلف ذيك دارنا = دارن عسى يدرج من الوبل سيله
ام حلفنا مايجي الضد حوله = لحدٍ يسايله ولحدٍ يسيله
والشايب الي بقول ممدوح يذكره =حيدٍ خذاه بشذرةٍ من صجيله[iii]
شرب قراحه يوم طيبه ولذته = واليوم بعذره يوم يترك سبيله
وكانه يطيع ويقبل العذر نعتذر = اديار اهلنا مانبين خميله
[/poem]
[i]من نجد قال ألأميّر قصيدته.
[ii] يقصد جزيرة فارس\شمر ( مابين النهرين).
[iii] قال ألأميّرفي قصيدته: ان الشيخ دهام الهادي ليس له مكانه في سورية. فيرد عليه الكركشي بتلك الابيات.
[i] في عام 1942م قام الشيخ صفوك العجيل بتوزيع المجيل على شمر كافة ومن ماله الخاص .
[ii] مصوت بالعشا : الشيخ مجحم بن مهيد شيخ الفدعان من عنزة هو جد عبد الكريم بن صفوك العجيل من امه.
الشاعرعويد القرقشي والشاعر ممدوح الأميّر شاعر عنزه
العرض العادي
