(لابس البنطــــــــــــال)
الشاعر \مشعل عسام التريباني الشمري
سار القلم يكتب على الاوراق من نضم الاديب ( 1 ) من شاعريازن بيوت الشعر يا غنا ء بهـــــــــا
يارب تهديني على الجزله وللهرج المصــــيب ( 2 ) ياخالق الدنيا الفسيحه وخالق مابهــــــــــــــــــا
ابأنصح الجهال عن تقليد عباد الصلـــيـــــــــب ( 3 ) ناس تطبق سيرت الكفار واتباها بهــــــــــــــــا
نصيحه نزفهـــــــا لكل ذو عقل لبيــــــــــــــب ( 4 ) اللي إلىسمع النصيحه يفتهم ما جابهــــــــــــــــا
اعرف تراء تقليدك الكفار يا مغرور عيــــــب ( 5 ) لا تقلد احفاد القرود اللي تهز اذنابهـــــــــــــــــــا
تلبس ملابسهم وتمشي مشيهم والله عجيـــــــب ( 6 ) واتمثل الخفرات في قصاتها وهندابهــــــــــــــــا
وتترك دروب المرجله واتميل للدرب المعيــب ( 7 ) ودرب الرجوله والشرف والدين ماتشقابهــــــــا
وتصن لاهل الشر واهل الخيرلما لاتجيـــــــب ( 8 ) تبغى نجاتك وانت ماتعمل لطرد اسبابهـــــــــــــا
اسباب عز النفس من يمشي بتوجــــيه الحبيـب ( 9 ) وعقيدة الدين الحنيف اللي النبي وصابهــــــــــــا
وشلون ماتتبع نبي الله هذا امرك غريـــــــــب (10) نفسن تعيف الخير صح ان الجحيم اولابهــــــــــا
يالابس البنطال والقبوع واتحسبك رهيـــــــب (11) ترا المراجل جنبتك وعنك صكت بابهــــــــــــــا
والزين ماحافك ولالك بالحلاحض ونصـــيب (12) وقعت في دار الحضيض الله لايبلابهــــــــــــــــا
تر الرجل لازم يزيد النفس عزه واتهذيـــــب (13) قبل تروم الشر ثم تصعب عليك اطبابهــــــــــــــا
ودرب الردا هين وصوله مايبي نشدة خطيــب (14) والمرجله صعبه على اللي مثلكم مرقابهـــــــــــــا
تشبك شعرك ببكله الخفرات والوجه الغضيـب (15) وتهجر كتاب الله والايات ماتقرابهـــــــــــــــــــــا
الحر يبعد نضرته والتبع نضراته قريـــــــــب (16) ولا خير في عين نضرها بس قد اهدابهــــــــــــا
الهون درب اهل الرداء والطيب تر دربه صعيب (17) ما ياصله ياكود من نفسه على الطوله يحث إركابها
يالله ياللي من طلب فزعتك لا يمكن يخيــــــب (18) إفزعلناء ياخالق الدنياء ومرس اهضابهـــــــــــــا
انت الكريم الواحدالفردالصمد وانت المهيـــــب (19) تشفي عقول ٍ طئطئة لاهل الشرور ارقابهـــــــــــا
إعقول عيت للعواذل والنصايح تستجيـــــــــب (20) صمٍ بكم يا الله تحمينا من اللي صـــابهـــــــــــــــــا
لابس البنطال
العرض العادي
