طنخه مابعدها طنخه لامني جيت لحدا دواوين الاجناب وقالو ياهلا بالشمري
وهلا يابعد حي هلا بميلته العقل ولا لامن قعدنا وجت السوالف طرو لك شيوخنا
وفريسنا وقالو هنيالكم عندكم فريس وشيوخ نحسدكم عليهم مثل اخو صلفه ضاري
الطواله هنا يشيش راسي بشيخي ضاري الطواله
يا راكبه يم اخو صلفه تنصاه..ملفاه ضاري عز من يلتجي بة
لا جيت بيته عقله لاتعداه..يضحك ابوجه امنوخين النجيبة
شواش يطرب بالمسير الى جاه ..ويحط من فوق المناسف عصيبة
بيته الهشال الخلا دوم ملفاه..يوم الدهر والزاد مثل اللهيبة
له ربعة تلقا بها كل مشهاه..ودلال صفرا ما يغيب سريبة
واصحون دوم للنشاما امملاه ..واذناب حيل ما يرجى حليبة
شيخ انماري به الى حل طرياه..لو كان عنا بالديار الغريبة
الله الله الله لامن ذكر اخو صلفه بحدا مجالس الاجناب تقل عيونهم
تخاطف بعض بقولة ليتك مننا ياخو صلفه
رحمة الله على شيخٍ تعرفونه
* * * * *ضاري اللي على السودا حما التالي
يوم كون الرشيد ويوم ينخونه
* * * * * * * * صار بالجوف شيٍ منه تهتالي
قيل سفوان وين اللي يدلونه
* ** * * * * * خبرو ضاري المصطور ياعيالي
جاك اخوصلفة الشجعان يتلونه
* * * * * يوم جاهم على السودا حما الجالي
رحمة الله علي شيخي ضاري الطواله اخو صلفه
واذا جا من طري طاري عبد الكريم الجربا ابو خوذه
هنا قامت تخايل لي فعوله وصيته عند الاجناب بمجالسهم
وكيف انه كل من جاه وطلبه شي قال خوذه
ووالله انه شي ينومسنا ويفرحنا ياشمر انه من عندنا
عبدالكريم الله علي الناس بـداه=رقا سنا بالمجـد مالـه لطيـم
يمشي بثوب العز والرب مشـاه=عطوه من الذي راضين به رحيم
من جيه حوا لازم لليـوم لاقـاه=ماشفت مثله بـالاوادم كريـم
بالفعل مشكور سطيرن بيمنـاه=معبد للجود وبالسياسه فهيـم
يدوس خبات المـدارس بمثـلاه=خواض خبات المدارس عزيـم
نفل بقول خـوذه للـي تنصـاه=عليه من تلحين موسي الكليـم
الله لا قيل لي منكم هالفارس والشيخ هنيالكم به والله
اني احس بشعر راسي بيوقف من حكيهم لي عنه
لانه جاي من السنة الاجناب وهذا اللي يزيدني فخر به
يادار سلطان العرب وين هو صار=ريف الضعافي مهفي المال والخيل
يادار وين هديب شيـال الاقطـار=لوك الزمول اليا تحايد عن الشيل
حـر مثـل مـن سبكـه طمـار=صادوه غمجين البصاير هل التيل
رحمة الله علي شيخي عبد الكريم الجربا ابو خوذه
يادار ماطبـج هماليـل وامطـار=ريفك محل عقب العصاه المشاكيل
وفحدا زياراتي لمجلس حدا القبايل من رحبو بي وكانت اول مره
اجي مجلسهم وكانت وقت الانتخابات البلديه عندنا في الكويت
وكنت بصحبة نسيبي العجمي من عرف بي وقال فلان الشمري
الا ماسمع الا من يقول ربع الجنازه السناعيس اطالعه ولا هاك الشايب الكبير في السن
ويهللي ويرحب بي وطبعا الترحيب ماهو خاص بي شخصيا ولا اني خال عوالهم
الا ترحيبهم كوني شمري ومن الطنايا والسناعيس
قلت الطـنايــــا وأعرف الشعر ما يخيب = في ذكرهم الشــعــر نوخ ذلووله ..!!
حتى ترى التعريف بالشمري عيب ..!! = معروف صيت الشمري من فعولــــه
فـيـهـم من اللي لا وطى جرحك يطيب = مـطـيـب بـعـد حيـي اذا جــا يقولــه
في ذكر شمر تشرق الشمـس وتغيب = في حب شمـــــر هالمعاني خجوله
والله احساسي من يجون شمر بمدح انه الاحساس عندي غريب
واحس بنشوه واني من افضل المتواجدين في هاذا المجلس
عاد انه يقول ياهلا بربع الجنازه وانت من وين ماقوله الا شمري طال عمرك
ويعيدها عرفت انك شمري لاكن من اي شمر اسلمي زوبعي عبدي اقوله شمر كله هللي
من شافلي شمر مخلصـت الديـون
شمرهـل العـادات عنـد مصيبهـا
عنابـر العربـان درع(ن) للمـتـون
تمشي على خبث النفـوس وطيبهـا
شمر كما غيث(ن) يهل من المـزون
ضافي علـى كـل القبايـل طيبهـا
غصب(ن) على الحكام واللي يسمعون
ومن لامنـي يلعـن عـدد ترتيبهـا
كـلام حربـي مايكسـر بالفـنـون
والنفـس عنـد النـذل مايصخيبهـا
ويرجع يكررها ويكررها الي ماقوله انا من ال فلان ويقول ارحب ترحيبة المطر
ياولدي والله انكم منبت الطيب والصيت كلكم ياشمر وهنيالكم باميركم
عبد العزيز ال رشيد الجنازه اخو رثعه
يامن يخبرني عن ألفيـن خيــــــــال ألفين خيال كل أبوهم مشاكيل
عبدالعزيز الشمري ماضي الأفعال اللي ضحايا والدينه ريــاجيـــــل
ليت العذارى حملن منه بعيــال وألا بـلاش من الضنا ليتهن حيل
الله الله الله علي التاريخ والسيره العطره لنا والمتمثله بالجنازه
الجنازه اللي الي الان ناس تذكر شجاعته وسطوته وشدة بأسه
جلوك شمـر ياطويل الذويبـه بين السبايا وبين عذبات الأنياب
ياللي تقوده قل حقه غديبه مع وقفة (البـره) ومن كان طلاب
بأرض الصريف اللي وطاها وطيبه شرق وشمال وقبلة عند معزاب
_________________________________
شفت انا الخليج وكل مابـه***سفن وضعون وبدوٍ راحليني
شفت عبدالعزيز اللي زهابه**قطعةٍ من حديـد الفرقدينـي
يسبع الناس من زود المهابه**كن داخل عيونـه شعلتينـي
يوم طوّح شماغه والعصابه**صاحت أجبال حايل يامعينـي
اكثر الناس بالدنيـا تشابـه**وهو ماله شبيـه إلا ثنينـي
الرعد يوم يرزم بالسحابـه**والصخر يوم عيّا لا يلينـي
رحمة الله علي اميري عبد العزيز ال رشيد (( الجنازه ))
شي يزيدنا فخر كون من ذكرتهم يحسدنا عليهم الاخرون وهم ثلاثه فقط
وهم لم يذكرو باقي شيوخنا وفريسنا ومشاهيرنا ومعاركنا
فلو ذكروهم او ذكرناهم لهم لعجبو ايما اعجاب وزادة الغيره لديهم والحسد
حتي من يحسدنا وينكر افعالنا تراه وتعرفه من كلامه المنقوص
واللي مايغير شي من نظرة الناس جميعها للتاريخ
افلا نتعظ ونتكاتف جميع لأسم الشمريه ولاشي غيرها
عزي لقب كل ما طرف الليل ،،،،،،،،،،،،،، عليه صارن الدقايق جلايل
واعتاظ عن طيب الكرى بالتعاليل ،،،،،،،،،،،،، بافكار واذكار وقول وقايل
والعين كن ابموقها يدرج الميل ،،،،،،،،،،،،،،،، عيت تطيق النوم من فور جايل
على بني عمي اسنادي عن الميل ،،،،،،،،،،،،،، نطاحة الكايد اكبار الحمايل
اقفوا كما مزنٍ ثقيل المخاييل ،،،،،،،،،،،،،،،،،،، من زاعج الغربي حدر له شعايل
شمر مقابيس المنايا هل الخيل ،،،،،،،،،،،،،،،،،،، عصمان الاريا مقحمين الدبايل
يا دار وين أهل المهار المشاويل ؟ ،،،،،،،،،،،،،،، هل النزول اللي تعز النزايل
بكيتهم يوم ارتكى قوقي الشيل ،،،،،،،،،،،،،،،،، وذكرتهم يو اقبل الضد صايل
وصاح الصياح وطوحن الهلاهيل ،،،،،،،،،،،،،، وهلت ادموع معكرشات الجدايل
وقلت ابشرن ما دام بالعمر تمهيل ،،،،،،،،،،،،،،، ما دام ما رزت علينا النضايل
لا تبكين الوحدة قِل الرجاجيل ،،،،،،،،،،،،،،،،،، ما دام عين الله علينا تخايل
وظهرت أنا باسم العصاة المشاكيل ،،،،،،،،،،،،،،، لو هم قليل يدركون الجمايل
هم حاصلي لا كملنّا المحاصيل ،،،،،،،،،،،،،،،، غوش الجبل خزني غلامين حايل
باعوا عزيز العمر دون المضاليل ،،،،،،،،،،،،،، وحموا حماها مقدمين الفعايل
قالوا عليهم قلت يزجوا اهل الخيل ،،،،،،،،،،،،، وقهرتهم غصب ووردوا غلايل
واذنيت هجنٍ يقربن المحاويل ،،،،،،،،،،،،،،، هوج هجاهيج اهجاف نحايل
عليكم يطرب قلوب المراسيل ،،،،،،،،،،،،،،،، خفقات رفقات صلاب جلايل
قلايص عوص صعاصع شماليل ،،،،،،،،،،،،، من سلسة نسل السباق السلايل
الصبح مدن كنهن جولة الريل ،،،،،،،،،،،،،،، رفيحٍ علت من فوقها ارجال حايل
وصبح اربعٍ تلفي نزول كما الليل ،،،،،،،،،،،،،،، شمر إليا عدت فروع القبايل
أدنى بالادنى خبروهم بتفصيل ،،،،،،،،،،،،،، لا تسفهون اصفارهم والجمايل
ولازم إليا شافوا اركاب مقابيل ،،،،،،،،،،،،،،،، تلزمهم النشدات عن سكن حايل
قولوا لهم يا مقبلين على خيل ،،،،،،،،،،،،،،،،،،، نجد واهلها يطلبون الاوايل
وين الطَّنايا ؟ وين شرابة الهيل ؟ ،،،،،،،،،،،،،، وين الرجال اللي تشيل الثقايل
وين السيوف اللي نعدل بها الميل ،،،،،،،،،،،،،،، وين الرماح اللي ترد كل عايل
وين النشاما والعصاة المفاليل ؟ ،،،،،،،،،،،،،،،،،،،، وجميع من ضربه تضيع الدلايل
نشرب بهم صافي القراح الشهاليل ،،،،،،،،،،،،،، وننزل بهم غصب على كل طايل
تذكرتهم يوم ارتدم فوقي الشيل ،،،،،،،،،،،،،،،،،، ونخيتهم يوم اقبل الضد صايل
غلبا ترى بلدانكم لبست النيل ،،،،،،،،،،،،،،،،،،،،، تنخى الرجال المكرمين الاصايل
تنخى اهل العادة كرام الاسابيل ،،،،،،،،،،،،،،،،،، يوم التعازي والدخن له صلايل
قلته وانا معكم على العدل والميل ،،،،،،،،،،،،،،، لعل ما نعتاظ عنكم بدايل
تمت وصلوا عدد وبل المخاييل ،،،،،،،،،،،،،،،،،،،، على نبي الحق ما زال زايل
قصيدة العوني علي لسان ابن رشيد ابكت شمر وخلتهم يبكون كبيرهم وصغيرهم
جو فزاعه وقطعوها المسافه بقدر ايام محل ماهي شهور وتناسو كل خلافن بينهم
لانت ولا جوالات بينهم وديارهم متناثره بين البلاد الوسيعه اللي بنجد واللي بفرات
واللي بشام كلن وصله الخبر مع هبة الريح ومع طيرة الطير تناقلوها عيال الطنايا
الفزعه الفزعه الفزعه وتفازعو وتناسو خلافاتهم لاكن متاه ياجيل هالوقت ننسي
ونترك سفائف الامور وصغائرها ونترك خلافات الماضي اللي مايفيد نبشه
الا يضر ويضر ولا وراه فود وراها ما تأثر بكم هالقصيده
يا خشم قل للمعتدى
جروح كان انك نسيت
يصبر وناخذ ثارنا
الصبح ماهو بالمبيت
من فوق خيل مكرمات
من فوقهن بعت وشريت
ماهي مفروض نقوله لكل من يتطاول علي تاريخنا وارثنا من الاجناب
لاكن البلا منا وفينا ومن بعضنا والله اني اقوله وانا كلي حرقه والم
علي مئالنا هالوقت مع تقدير الناس لنا لاكن ياتيك من ياتيك ويجيك بعلوم مالها سنع
ولا احنا ماحنا قليلين شر عن نسكت عن اللي يتطاول علي امرائنا وشيوخنا
لاكن البلا مير البلا من اللي لاكلمته زادة غبرتها وعجتها
وان رفعتها للشارب وان طمنتها للحيه واذا جت العله من البطن منين تجي العافيه؟
وسلامتكم وسلامة الشمريه اللي بداخلكم تراهي تنخاكم
وتري اخو صلفه ينخاكم وابو خوذه ينخاكم والجنازه ينخاكم
وانا لاتعدوني منكم عدوني اجنبي لاكنه يغار علي اسم شمر
تـــــــــرانـــــــي انــــــخــــــــاكــــــــم يــا اهــــل النــــخــــوه
والله اني انــطــنــخ وشـــيـــش لاقــالـــو يـــالــشــمــري
العرض العادي
