الراعيه والذيب (قصه قصيدة)..

الراعيه والذيب (قصه قصيدة)..

--------------------------------------------------------------------------------


الراعية والذيب (قصه قصيدة)


هذي قصة راعيه ترعى الغنم, شافت أذيب صغير قرب أمه الميتة ,الراعية رأفت بحاله وأخذت وربته

معاها يوم بعد يوم شهر بعد شهر

ولما كبر واشتد عوده هجم عليها ونهشها وشرد,الراعية ماتت ...وقبل تموت قالت :




واحسرتي بعت في سوقٍ خسر
ما لفتني غير حسرات وعويل

ناكر المعروف اجرحني وهجر
تاحني مجروح ولا عندي خليل

ذقت مر الكأس فسقاني الغدر
والحزن في القلب سكّان ونزيل

كل زيني راح فرماه في البحر
ويوم شد العود عزّم بالرحيل

واستوى حالي شرا عود السدر
طاحت أوراقه بلا ظل وظليل

أصابني بالسيف وفي قلبي انكسر
سيفه المسموم وأدعاني عليل

كسّر أضلاعي وفي كبدي حفر
صار همي من على قلبي ثقيل

ما رحم حالي واحساني انتكر
في سجايا الشر له باع ٍ طويل

جاحد للخير وما منك شكر
خاءين ٍ غدّار وما مثلك مثيل

دمع عيني سأل ٍشروا النهر
طول ليلي ما توقف بالمسيل

يعتصر ني الموت واقفي بي الفكر
ضاع برهاني وضيّعت الدليل

ما قتلني الجرح واقتلني القهر
كيف عن زيني ومعروفي ذهيل

كيف قلبك أطاع يرضى لي الكدر
تهدي الغصة وأهديك الجميل

قالوا العقّال وأصحاب الذكر
لا تسوي الخير إلا في الأصيل

عن حساب الرب من وين المفر
حكم ربي صاب ٍ ماله بديل

وان سمح ربي وأعفاك وغفر
مستحيل أصفح وأسمح مستحيل

هذي الدنيا وهو هذا الدهر
تكثر الأحزان والفرحة قليل

حكمة الدنيا وأحكام القدر
مرة ٍ تصفى ومرات ٍ تميل

وعقب موتي انقلوا عني الخبر
صاحب الإحسان في الدنيا ذليل

وفوق قبري اكتبوا هذا السطر
راعي خير صار من خيره قتيل

ابن برزان

 

 

 

 

 

 

 

 

 

 

سبحان الله

علمته الرماية ....... فلما اشتج ساعده رماني

خير تفعل ...... شر تلقى

صح لسانك ولا هنت

ناطرين جديدك

اخوك / سعود الجعفري

 

 

 

 

 

 

 

 

 

 

وعقب موتي انقلوا عني الخبر
صاحب الإحسان في الدنيا ذليل

وفوق قبري اكتبوا هذا السطر
راعي خير صار من خيره قتيل

وفي قصة مشهورة سارت مثلا..

قال احد الشعراء وأظنه ابو ذؤيب الهذلي ..

ومن يفعل المعروف مع غير أهله = يلاقي الذي لاقى مجير ام عامر

كل الشكر والتقدير لك اخي ابن برزان على هذا النقل الرائع والقصة التي بها الكثير من العبر


تحياتي لك

 

 

 

 

 

 

 

 

 

 

الشكر والتقدير لكم جميعآ
على المرور والتعليق الرائع

ابن برزان

 

 

 

 

 

 

 

 

 

 

يعطيك العافيه علي المشاركه

والله لايهينك

تحيتي

 

 

 

 

 

 

 

 

 

 

الله يعطيك العافيه يابن برزان لاهنت ياغاالي

 

 

 

 

 

 

 

 

 

 

والله غريبه من الذيب ..

مسألة الغدر !!!!


لا هنت يابن برزان ..

 

 

 

 

 

 

 

 

 

 

	الله يمسيك بالعافيه والصحه الدائمه ان شاء الله مرورك الكريم وتعليقك الرائع وسام اعتز به شكرآ مره ثانيه ابن برزان