كتبتها حسب طلب الاخ ابو الحارث المدعول لانه اول مره يطلبن
بعد ان سجنت الدوله العثمانيه الشيخ صفوق الجربا وانصدمت شمر
بهذا التصرف قرر ردهان ابن عنقا يرحل لديرة الفدعان
حيث تربطه علاقه بالشاعر محدى الهبداني الذي كان نازل في المبدد
بديرة الفدعان ورحب فيه محدى وتجاورو في المنزل وبعد اشهر من منزله عند
الفدعان اتاه محدى ليخبره
محدى = سمعت ان عنزه يبون يغزون شمر يستغلون غيبة صفوق بالسجن
ردهان =مايقدرون لشمر به فرسان وشيوخ
محدى =والله تطلع عليهم نجوم الظحى
ردهان = والله انك غلطان يامحدى
محدى = خلك عندي حتى يسلم حلالك
ردهان = اليوم ابي ارحل لربعي لكن ابي وجهك تعبرن ديرة الفدعان
محدى = ماعنه الله يهداك خلك عندنا
ردهان = ولاني مقيم ولا ليله حسب طروق البدو تعبرن ديرة الفدعان
ورحل ردهان ونزل عند الشيخ نجرس ابن زيدان الجربا (راعي درعا)ورحب بردهان وهو يعزه
وكان الراي عند عنزه ان شمر بعد سجن الشيخ صفوق تنهار قوته ونفوذ
وبعد فتره غزى نجرس ديرة وجاب الفود وبعد شهر غزى نجرس ومعه شمر وجاب الفود
وفي المره الثالثه غزى نجرس الشاميه وحصلت معركه قويه كان النصر فيها لشمر
بقيادة نجرس وتذكر ردهان ابن عنقا كلمات محدى الهبداني عندما قال شمر تطلع عليهم
نجوم الظحا فأرسل هذه الابيات لمحدى الهبداني
ياراكبن حمرا نجبنا ظرابه = من ساس هجن ٍ كل ابوهن ظرايب
تلفي لمحدى شوق جالي عذابه =ياريف من مسوا حبال الركايب
بيني وبينك هرجتن به طلابه = على المبدد يوم حنا قرايب
قل نجومك اللي تذكر اليوم غابه= عسا سعدهم دب الايام غايب
ربعي هل الحرشا مصاعيب لابه =اللي لحرجات الضعاين جلايب
العفو وش يطلع بهم كل صابه = سيف ٍ يحدر نابيات الترايب
يبيع روحه بيع هاك الجلابه = ليا لجلجن بالسهر شقر الذوايب
نجرس عسا نجرس طول ٍشبابه = خيال شقحن نفضن الجنايب
حمل الجمل درهم قعودي وجابه = دلا يباريبهركاب نجايب
حنا ليا انوى الشيخ مثل الذيابه = ندور باطراف النجوع النهايب
كم عودة ٍ طقيت تالي ذهابه = بمفرع الوديان بهاك الجذايب
وأنتم ليا انوى الشيخ تغثاه كابه =كنن يطقق للبكار الغرايب
عامود دحاتن يطير ظبابه = مايكرهنه لابسات العصايب
ليا طالع الحاشي لبا في لبابه = حنين هرش ٍ حادياته لهايب