القصيده هي لـ/ سليمان اليمني العنزي ،،
شاعر الشيخ ساجر الرفدي شيخ السلقا من العمارات من قبيلة عنزه .
القصيده قيلت لدهام ابن قعيشيش .
وكان يجلس بجانب إبن قعيشيش الشيخ عبدالكريم الجربا ( ابو خوذه ) .
فـ/ قال اليمني :
قلت آه لو قول آه يجمع عمامـه=اللي ورى سنجار يسمع عياطـي
يا دهام دونك مرقدي ذق منامـه=خيرية ٍ مابين شط ٍ وشاطـي
عند الشيوخ مزوديـن الكرامـة=لاهبت النكبـا بليالـي شباطـي
كم حايلٍ جاها البلا من سنامـه=تذبح لدسمين الشوارب تلاطـي
فرحان هو فرحان شيخ الجهامـة=وعبدالكريم أطيب أساميه غاطـي
ياما عطو ياما معطوا مـن جهامـة=صوارم ٍ فتخان الأيدي صواطي
وحنا وياهم مـن قديـم رحامـه=((سلقا وسنجاره بنـات العلاطـي))
نافوا على بيت الشعر والعمامـة=بـعطي الركايب والمهار المعاطي
نعمين لاجـت خيلهـم بالتمامـه=لاصار بالقوه سـوات الغطاطـي
عجلات جسرات إن طيـر كتامـه=حمر ٍ وصفر ٍ لونهـن بغتلاطي
هنيت أنا خطـو الغـلام الفدامـه=مايروح العطبه ورسم الشواطـي
أدهام يا صيـاد فـرخ النعامـه=يامودع ٍ فرخ الحديـا شطاطـي
إليا ضربت الـراس تنثرعظامـه=توكد على دسم العلف بالرباطي
في البيت السابع يوضّح الشاعر
ان فخذ سنجاره من شمر الذي تتفرع منه اسرة الجربا
وفخذ السلقا من عنزه ، هما ( رحامه ) .
بمعنى ان
سلقا وسنجارة بنات لرجل واحد . وهو ( العلاطي ) ..
وقد تزوجت سلقا .( سلامة) جد السلقا من العمارات من عنزه
حتى أصبح اسم قبيلة السلقا من عنزه نسبتاً لأمهم ( سلقا ).
وتزوجت سنجارة .(محمد ابن حريث الطائي) جد سنجاره من قبيلة شمر
واصبح اسم فخذ سنجاره من شمر نسبتاً لأمهم ( سنجاره ) .
وهذه القصيده تعتبر وثيقه مهمه نضعها أمام أعين كل مشكّك .
وخصوصاً بأنها قيلت في زمن قديم .
محبتي للجميع
.
قصيدة سليمان اليمني شاعر ساجر الرفدي بالأمير الشيخ عبدالكريم الجربا (( نادره )) ..!!
العرض العادي
