بعد التحية والتقدير اطرح بين ايديكم هذة القصيدة عسى ان تنال استحسانكم ولكم تحياتي
ياونتي ونت سجين(ن) ورى الباب = عقب انتهى التعذيب يمه سروبـه
خلوه في سجنه بلا تتن واصحاب = وامســـى يجاوب ونته مادروبه
جلس ثمان سنين بالسجن منصاب = جريح قلب وبالسلاسل صطوبه
وفي يوماً اقشر اصدر الحكم بكتاب = ولجو بعال الصوت قدمه قروبه
قالوا بقالك كثرهن سجن وعقاب = وألفيــن جلــده فوقها واكفروبه
وسوابقه واجد بها شهود كتـــَاب = واسمه بقايمت السواد اشخطوبه
وحاله وحيد من البشر ماله أحباب = وازداد همه والحــرس بهــذلوبه
والمشكله كن الحشا فيه مشهاب = وجداي من حبر القلم واكتبـوبه
ومدام دون الحل عجزن الاسباب = أمانتك كل الــورق حــرقــوبه
والقلب ياسالم به جروح مخلاب = وقلبي كما القرطاس لا ولعــوبه
وسلامتكم