يقول رسول الله صلى الله عليه وسلم : ( من
دعا إلى هدى ؛ كان له من الأجر مثل أجور من تبعه ؛ لا ينقص ذلك من أجورهم شيئا ،
ومن دعا إلى ضلالة ؛ كان عليه من الإثم مثل آثام من تبعه ؛ لا ينقص ذلك من آثامهم
شيئا ). ويقول عليه أفضل الصلاة وأتم التسليم : ( الدال
على الخير كفاعله ).
اعـرف اني استـعـجـلت بدراج هذي القصيده لاكن هذي رديت فيها
على بنت حاولت انها تستفزني
وعساني قدرت ارد عليها وقدرت اوصل لها رسالتي
فيني شموخ العز يا بنت الاجواد=وفيني هدوء الكون والطيب شاني
اعسف خيول الطيب في درب الامجاد=واصل البداوه كاسبه في زماني
يا بنت شعري بالفخر صار معتاد=ودي اعيش وافتخر في كياني
من دار حايل عزنا صار ميلاد=شمر هلي والطيب منهم لفاني
صغيرنا كساب لطيب سداد=والله على درب المراجل رماني
سنجار والعليات عز(ن) لنا ساد=والا الجزيره كاسبينه معاني
افخر بربعي والفخر عز واسناد=والي يعز ناسه من الطيب جاني
بيت الشعر عزي اذا ثابت اوتاد=والـبـن داير والمجالس مكاني
واجمل شعور امناظر الخيل طراد=في ارض ممزوجه من النبت غاني
واقود عزي والفخر صعب ينقاد=وامشي وابيع الروح للي دعاني
فينا الكرم زايد على الناس وان زاد=مفتوح دار العز من جاه عاني
يا بنت خوذي هالشعر طب واضماد=لاصار جرحك بالضماير يعاني
هذا كلامي لا غدا ( المر ) والضاد=كلمه اجمعيها لاغدا الوقت فاني
فيك الجنون اشكال يا بنت الاجواد=والله عسى يهديك وايعز شاني
انتي شريفة بنت مطنوخ وحصان = وفعلك يشادي فعلة العرفجيه (1)
وانتي علومك دائمأ ترفع الشان = واسلوبكم راقي ولــه منهجيه
وكلامكم موزون في وسط ميزان = من راس بنت ٍ بالمعاني ذكيه
حنا سناعيسٍ في الحرب بركــان = وليا تفجــر هــد قــمة طــميه
لكن بنفس الوقت بدون طغيان = نعــط الحقـــوق ولانقر الخطيه
شمر مع المقدرة فيهم احسان = وسلومهم به ميزة ٍ جـــوهريه
شمر كما مزنن على كل الاركان = سيله يفيض بكل واد وشغيه
عندي عزيمة نفس عن الف رجال = وجروحي تنزف والمحاجر بخيله
البس وسام العز من الفخر سلسال=وبي شيمتـ(ن)مثل المهار الأصيله
ماهمني هرج الردى من الانذال=واللي يقف في جاه عزي ياويله
شوفاتنا دايم على روس الأجبال=ماني من اللي في حياته ذليله
حنا بنات العز نخوات الابطال = تموت هيبه ولايدنس شليله
اطباعنا مانتركه مد الاجيال = وسلومنا لبس العباة الطويله