يسعد لي ايامك بالخير ولباس العافيه لااريد الاطاله اكثر من قصيدتي ولكم شكري واحترامي
إبداء بذكر اللي خلق عجم وأعراب = له حكمته والخلق بأمره مشوها
وارسل بيوت الشعر لاعز الاقراب = ياليت منهو بأسمنا وصلوها
الاوله ترحيبت(ن) تاسع اهضاب = من قلب وافي نيته ماخلفوها
مني وإلك ياشارد البال ترحاب = ولحضرتك جزل البيوت اسطروها
والثانيه وقتن عوج يرفع اذناب = وقتن مقفي والنشاما كلوها
قام يتقلب وقتنا كنه الداب = ومَيل بسيفه والحثاله لقوها
والثالثه ريح ضميرك ليا انتاب = لاتزعجه بعلوم من شيعوها
العمر فاني ولو يطول الزمن شاب = والشيب غصب عن البشر وقروها
والرابعه فاالحر يظرب بمخلاب = من ظربته كل العداء يونسوها
والخامسه ماهمني حكي كذاب = ولاهزني لو بينهم روجوها
والسادسه أحذر تسمع لمن جاب = إلا لكلمة واضحه ثبتوها
والسابعه جرح الغظي مابعد طاب = والكبد عقب مفارقه صوبوها
كني صويبً أشعلو فيه شـّباب = عقب استووله جثته سدحوها
الله واكبر وان لبس خلي انقاب = أطيح أسير يدين من لبسوها
راع الجديل اللي على الكتف منساب = معزته ربعي ترى ماعرفوها
في عينها سهم المعادي ومحراب = وكن الثريا بنحرها شغلوها
له ضحكتن تختل عقلي والاعصاب = وحمر الجمر في شفته ولعوها
لو شفت صورة صاحبي لابس الكاب = أغلى تحيه لصورته قدموها
أزعلتها بغير ذنب(ن) ولاسباب = ونفسي تقدم عذرها ما أعذروها
والمشكله عقب الزعل صكو الباب = وبيبان قلبه يمنا قفلوها
ويازين اذا وقت اللقى بيننا غاب = ماتختفي شمس الضحى لا حجبوها
أرجوك فكر ياغلى كل الاحباب = واجمع فواتير الغلاء واحسبوها
شيكات حبك سجلت داخل أحساب = في وسط قلبي والعيون ارصدوها
لاتنفعل وتروح لك قلب طلاب = وتترك مكانه بالحشا تسكنوها
تزعل على اللي من محبتك منصاب = وتقفي عن اللي عشرتك مانكروها
يفداك حالي لو يصلب بمصلاب = وتشوف جسمي قدمكم صلبوها
ولا عواذلنا كما راس مشهاب = ياويلهم مادام روحي حدوها
الك العهد ياموت لاشبعهم تراب = وبالرجل ادوس خشومهم لاعصوها
وكل الحياة فداك ياكشخة الراب = ويفداك كل ابيات شعراً قروها
والبل فداك وبايع البل و......اب = والكايده فدوتك ..... .....قنوها
صحيح من قالوا ترى الحب غلاب = يشهد لنا عنتر وقيس إكملوها
ولا غرام الزيف يازين ينعاب = تبداء محبه ثم بكره نسوها
قصة قصيرة بين معجب ونصاب = مشهد قصير وكلهم مثلوها
عشقً ردي واللي على روسه كلاب = ماهمهم غير العظام اجمعوها
ولا غلاتك غير.؟ يحسب لها حساب = في حبكم روحي تعال انشدوها
ماهم رجلي لو وطت دونك آشعاب = اجيك لو كل الدروب عسروها
آجيك جيت واحدن ناظره شاب = عينه من اجل اصويحبه شيبوها
خليتني بين المخاليق مرتاب = قتيل حبك والعرب فسروها
كلاً على رايه يحلل ولاصاب = وبلشو بقصة بيننا ماعرفوها
قصة حزينه سيلت دمع الاهداب = من حزنها لو قلت ماصدقوها
وشموخ نفسك يالغظي سر الاعجاب = وسمعتك فوق اعداك مالوثوها
وختامها عودي ترى خاطري ذاب = وقبل تصيح أمك ...... اخطفوها
ثم ابسببك أصبح بقايمة الارهاب = وعلى الجزيرة صورتي ينشروها
ملاحظة: شـّباب -نوع من الرصاص(المشعل ــ المضي) وقروها (الوقار لشيب)
وسلامتكم ,,, اخوكم ابونشمي العتيبي