الاخ مانع
نظراً لرغبتك وطلبك بتزويد الموقع باشعار الشاعر
الذي رد على قصيده الشمريه المجهوله .بلغته طلبك وقال من الشخص الذي يطلب من قصأدي وقلت له مانع بن حسن الخريصي قال يستاهل ورحمة الله
على جده ابومحسن .ويهديك هذه القصيده وهي اخرماكتب قبل رده على الشمريه المجهوله.
ويهديه الى موقع قبيلة شمر الرسمي وزائريه
كريم يابرق على حايل أوضا=من راس إجا لهضاب سلمى نظيظه
يشعق نظيظه من عفيف لحضوضا=سبحان ربٍ يامره في بظيظه
رعوده تسوي بين الأجبال ضوضا=وحوش السهل والضلع سبب فظيظه
صوت الرعديرهب ولابه عكوضا=له ضهويانه كلن اوحى هظيظه
يهضهض هضاب الهضبتين المشوضا=وقضقض قلع رتاجهامن قظيظه
ويوضي على شلوى وسبب جضوضا=والصبح عجّل للكواسر شظيظه
وشعق على سنجار وألعج بفوضا=ومنه الأزيديه تصاعد جظيظه
سكاب من تيما على كل روضا=لياشرقي اللبة تطانب خظيظه
تذكربه الوديان مكفات حوضا=ومنه الفياض العنف ماهي غظيظه
مزنه تقافامع بروقٍ تنوضا=حزوم الجلدعقب انسكابه رظيظه
سوقه ثقيل وبإنهماله تضوضا=قاديه ربه للبخوت الحظيظه
الشاعر/ خشان ابن سعدي