الماء يموت من العطش والخبز جاع=وان حل داره ضيف الله يعينه
والاجودي مايشتكي كثر الاوجاع=لو كبرت البلوى قصر من ونينه
مضرب مثل في شمر الشايب جناع=مالان عزمه يوم طيحة جنينه
وليا اختلف راي العرب حقهم ضاع=ولاترجعه كود الايادي الامينه
وش عذرنا كان الهدف جاه واطماع=من المسلمين الهاجرو للمدينه
ياكثر روش الخيل ياقل الافزاع=ياعجلنا يومٍ دعتنا بثينه
طول الامل سوء العمل عندنا شاع=ياكن نتيجة حالنا عارفينه
أسلام حنا وندعي للنبي اتباع=لكن حقيقة امرنا مخالفينه
وحد كثير عقول وعيون واسماع=وجمع قلوب وطهره من الظغينه
انا اعتبر هذا العمل هو الابداع=ماهو بصنع الطايره والسفينه
وحنا نشوف المسلم طعونه وساع=على الاقل هذا العمل خل ندينه
الطير ارحم مننا يندم بساع=طبعا غراب وقصته سامعينه
يدفن بقايا جثة آخوه بالكاع=هذا دليل ان المشاعر حزينه
وحنا دمانا سيول طايف به شراع=وش ذنبنا قولي لهم يالخزينه
عجايب الدنيا قبل سبعة انواع=واليوم تاهو عندنا الحاسبينه
هلال الصلفيج