ابيات بسيطه جدا أحبت وضعها
امام متصفحكم الكريم
القاك بس الخوف بعيونك اضيع=وان غبت زاد الشوق فيني لشوفك
أغار وافقد حالة الصبر وابيع=واقبض ثمن تعذيب قاس ظروفك
لوهي بكيفي واشتهيت المطاميع=مديت يدّي واحظنتها كفوفك
وذابت على لقياك روس الأصابيع=ابغا الفراق واحرجني حلوفك
ابي اتمنع عنك لاكني مطيع= مدري متى رتبتني في رفوفك
وفتحت فيني من كبار المشاريع=مستثمرٍ ربحك بروعت وصوفك
اتنفسك صبحٍ خذا منك تطبيع=واعلن سلامه مع معاني حروفك
تشتاقلك حتى صغار الذعاذيع=لا مرتك ترتاح ماهي تطوفك
يامهجدٍ زين البنات المفاريع=تقضي عليه بنظرةٍ من سيوفك
لغزك يعجز كايدات المراميع=لو راهنت يصعب عليها تحوفك
دمتم على الف خير
اخوكم
ساير سعدي الخريصي