كلنا يعرف الأديب الشمري المعروف
الاستاذ / علي المسعودي
علي المسعودي هو ابن الكويت وهو للمعلومية من فئة ( البدون ) ..
حصل علي الجنسية القطرية تكريماً
من الشيخ حمد بن خليفة ال ثاني .. حاكم دولة قطر .
واصدر حاكم قطر ايضاً قرارا رسمياً
في جعل علي المسعودي يمسك
احد المناصب المهمه والمهتمه في الشأن الأدبي القطري .
علي المسعودي لكونه " بدون "
وبسبب سياسية التضييق الحاصلة علي هذة الفئة في الكويت .
استخرج جوازا "ارتيريا" ليسهل أموره وأمور ابناءه
فاصبح علي المسعودي الشمري "ارتيريا" !!!
شمري أرتيري .... لا تسألوني كيف ..!!
المهم
علي المسعودي الان اصبح قطري الجنسية .
وبهذه المناسبه أهدى الشاعر عبدالكريم زيد الجباري الشمري
هذة القصيدة بمناسبة حصول المسعودي على الجنسية القطرية ....
يقول الجباري :
الطيب فرصه والمواقف لها حصان=اللي مكانه دايم ٍ في الصدراه
والمرجلة فعل ماهي خرجة لسان=والطيب رجم ٍ مسكنه راس قاله
البارحة مابين ضايق وطفشان=سمعت عبدالله يسوق البشارة
العلم .. قال العلم جابه كحيلان=الشيخ ابن ثاني أمير الاماره
وقّع لآبو باسل* ذرب الايمان=تقريب من يومين صدّر قراره
قال ابشروا بالعدل وحقوق الانسان=جفني غطى ورموش عيني ستاره
ولد الطنايا مايحصل له أوطان؟؟؟=من القهر ماخذ جواز استعارة ؟؟
لو هو من الافغان قلنا من الافغان=مير البلا شبه الجزيرة دياره !!
في كل ديره له بني عم ٍ واخوان=مير الله أكبر وقتنا كيف جاره
وماني بناسي يا علي (قصر برزان)=داخل قطر عندي تعلَّى جداره
وما جزا الاحسان الا بالاحسان=والطيب بالطيّب مابه خساره
شكراً ابن ثاني مع الشكر عرفان=مني ومن شمّر خذيت السفاره
نرفع لك البيضا شباب ٍ وشيبان=بيضا ترفرف لك براس المناره
صحيح من قال المواقف لها حصان=والطيب رجم ٍ مسكنه راس قاله
قصيدة عبدالكريم الجباري في ( علي المسعودي الشمري ) !!
العرض العادي
