المجالس مدارس
كنت اتردد على احد المجالس من الوزى والله مو بكيفي .
المهم صادفت شايب وهو غير شمري يروي عن صاحب او الي حضر الواقعه يقول قال فلان تخاوينا انا وفلان من قبيلة الظفير نعس وحنا بنص الطريق ادمس علينا الدماس وقلنا خلنا نمرح ومن الفجر انتوكل وجلسنا وسوينا القهوه وكان حولنا رعيان وهم يجونا اثنين شباب ويسلمون علينا وقلنا لهم اقلطو تقهوو وهم يجلسون سئل افلان حديهم قاله منين انت ؟ قال انا شمري , قاله مني شمر ؟ قال من التومان . وهو يسئل الثاني منين انت ؟ قال من التومان قالهم افلان قوموا يالكلاب!!! اتخسون ما تقهوون معنا قوموا !!!!!
وهم يقومون وما تكلموا شي وراحو . قلت لفلان اشبلاك طردتهم ؟؟!!
قال هكسنا رحنا حنشل على التومان وخذينا حلالهم وقفينا وهو يجينا الطلب خيالة اكثر منا يومنهم قربوا علينا وصلونا حذفة عصى وحنا نترك الحلال وهربنا وهو كل الطلب ارجعو مع الحلال الا واحد مايبي يهدنا ! ربعي اخيولهم اسبقني انا بقيت اخر واحد والخيال وراي وراي وهو خلاني على يمناه وراي بالضبط وهو يضرني بالشلفى على جنبي وانا اطيح على وجهي
يومنه تعداني وهو يرجع . قلت الحين يبي يكمل علي ! وهو يحول من الفرس وبحر على جرحي يومنه جرحن عميق ومليان تراب من الطيحه وهو يحط فمه على جرحي ويشفط من التراب والدم حتى نضفه نضاف وياخذ شماغي ويلفه على الجرح ويشيلني وحطاني على الفرس ولا تكلم معي ولا انا تكلمت معه وهو يضرب الفرس حتى مشت على جهة ربعي وهو يرجع .
قاله خويه الي معه كل هذا المعروف يومنه اعتقك التومي ونضف جرحك وتسوي بعيال عمه هشكل ؟؟!!!! وهو يتوازن له بالمحماسه ويضربه بالخشه لدمانه تطشر .
واقعه على لسان الشاهد . روعه
العرض العادي
