تـوابيـت المنــايـا

السلام عليكم ورحمة الله وبركاته ,,هذة القصيدة مر عليها زمن ..

حبيبي كم تمنيتك على صدري لحد الموت = أعيش بداخل أنفاسك ونومي داخل عيونك
طموحي استمع صوتك ويالبى هذاك الصوت = نغم مدري موسيقى تنبعث والمصدر شجونك
يأاروع من قصيد أبن العواجي في حبيبه نوت = يا اجمل من رأت عيني عسى الحساد يفدونك
أنا كلي معك واللي تشوفينه جسد منحوت = مدام أني مسجل في كتاب الحب مجنونك
جنون الحب ياحبن يراودني على التابوت = توابيت المنايا تنفتح لي قبل لاخونك
واذا ودك تعرفيني أنا من يعشقك للموت = واذا ودك تشوفيني أنا في صمت مكنونك
وانا واعوذ بالله من انا.. لايمكن اشكي الفوت = واذا ودك بموجز شرح انا جاهز على هونك
انا اللي في ظلام البحر ماهمه زفير الحوت = عنيد ولايهاب ولو حكولك لايهموونك
وانا الطفل البريء اللي بقلبه حزنه المكبوت = وانا واقف لتيار السنين العوج من دونك

وســــــــــلامتكم ,,

 

 

 

 

 

 

 

 

 

 

ابو نشمي العتيبي............حياك الله على هذه الابيات الجزله....
واذا ودك تعرفيني انا من يعشقك للموت.....تعبير عن الوفاء الدائم

 

 

 

 

 

 

 

 

 

 

حي الله اخونا الكريم

ابو النشمي العتيبي

ولاهنت شاعرنا الجزل على البوح الراقي

صح لسانك ملياااااار وتكرااااااااار

تم التثبيت

دمت بخير

 

 

 

 

 

 

 

 

 

 

العتيبي صح لسانك

ولاهنت

 

 

 

 

 

 

 

 

 

 

صح لسانك ابو نشمي

ابيات جميله وممتعه

اتقان وحبك للمفرده

دمت على الف خير

 

 

 

 

 

 

 

 

 

 

رائعه المشاعر
يالعتيبي
حضور راقي جدا

 

 

 

 

 

 

 

 

 

 

[color="purple"]حبيبي كـم تمنيتـك علـى صـدري لحـد المـوت
أعيش بداخـل أنفاسـك ونومـي داخـل عيونـك
طموحي استمع صوتك ويالبى هـذاك الصـوت
نغم مدري موسيقى تنبعث والمصدر شجونـك [/color]


الله الله عليك يا ابو نشمي قصيده رائعه كروعة الحظور المتميز
لا هنت يا العتيبي
وانا عتبانه على الاسم فالقصيده اجمل من ذكر التوابيت والمنايا

 

 

 

 

 

 

 

 

 

 

صح الله لسانك يالعتيبي
قصيده جزله من شاعر جزل
وانا الطفل البريء اللي بقلبه حزنه المكبوت = وانا واقف لتيار السنين العوج من دونك
لدي فقط رأي في هذا البيت لو قلت
وانا مثل اليتيم اللي بقلبه حزنه المكبوت او وانا الطفل اليتيم ممكن يكون افضل من الطفل البرئ لئن الطفل البرئ لايحمل حزن بداخله لبرائته
مجرد وجهة نظر وربما اكون مخطئ
على العموم بيض الله وجهك ولاهنت يابو النشمي واسمحلي اذا اخطئت
تحياتي

 

 

 

 

 

 

 

 

 

 

حبيبي كـم تمنيتـك علـى صـدري لحـد المـوت
أعيش بداخـل أنفاسـك ونومـي داخـل عيونـك
طموحي استمع صوتك ويالبى هـذاك الصـوت
نغم مدري موسيقى تنبعث والمصدر شجونـك
.
.
الله الله ..
صح لسانكـ ..
ابداع و تميز ..
لله درك ..
شاعر يعزف على وتر الإبداع ..
.

 

 

 

 

 

 

 

 

 

 

الشاعر ابونشمي العتيبي



صح لسانك وعتلا شانك



غزليه فيها روعه متناهيه ... الأمثله مرسومه بجمال ... فيها (شده) وفيها (لين)..



امتعتنا في طرحك ..



تقبل مروري