هذه القصيده قالها الشاعر مخلف عنيزان الشمري في الاردن وادركه العيد هناك خارج وطنه العراق..فتذكر ايام العيد كالعام حيث يلتقي عشيرته ..واسند هذه القصيده للشيخ علي الدحام احد شيوخ عشيرة العبيد في الاردن .
الله من همٍ بقلبي سكنها=بين ضلوعي بانين له عماره
همٍ على غمٍ بكبدي طعنها=ياليت ربي لد هكا الزياره
بعض اللحا خسران من هو بخنها=مثل الدعايه تنشر للتجاره
اخص الي شيمته ماوزنها=الي عن النعمين تقصر شباره
لامن نخيته لحاجتك جاض عنها=دبلوم في سهر النوادي غماره
وكت الفضا ياويل من يمتحنها=ماخذ على الكذب المصفط مهاره
ابوه على الطابور يرخي رسنها=هو الذي طفا تواريخ ناره
يقعد ويمشي في مقاعد عفنها=الي تقوده حرمته في شواره
هذاك لامن مات عيبٍ دفنها=تخليه لطيور الخلا في شجاره
ياصار ماينطح بلاوي شطنها=الموت احسن من حياة الخساره
ياصار ماهو عز للي زبنها=لامن زعل يقوم يزمي سطاره
وياصار مايملى المحلق صحنها=مع دلة ٍ يعجبك بنة بهاره
بخيت كلن دين ربه تقنها=الي بحق الله يمشي مساره
خسران الي كل ماله خزنها=ماينفعه لو قال حلو زراره
كل مسلم اليامات ياخذ كفنها=تبقى تردد بالمجالس اذكاره
المايحصل طيبها في يمنها=ليا مات ماله بالمجالس ظباره
الله من همٍ بقلبي غبنها=قاله الي بالعيد ماشاف داره
الدار مثل الم راضع لبنها=الي نكرها مابكبده مراره
عزي لمن بالعيد خارج وطنها=مغبون لو تكثر عليه الزياره
شوف الرفاقه مايتقدر ثمنها=مثل الربيع الي تخالف ازهاره
كل عيد نجر عبيد يطرب لحنها=تجي البعير مثل عيون السعاره
واليوم هذا العيد بعيد عنها=ماخذ تجارب برها مع بحاره
شفت الذي تاريخ جده لعنها=جده من اليذبح نوادي بكاره
وشفت الذي تاريخ جده سجنها=جده من الي يسكنون المناره
شفت ولده بالفاس يومٍ مدنها=قام يهدم من توالي جداره
وشفت الذي تاريخ جده طعنها=بالظلم والتزييف طفا انواره
شفنا وعفنا بس نخفي رهنا=ماني من الي الياقال يكشف اسراره
مخلف كلام الحق قاله وزنها-=ماني من الي لو قال طير اغباره
نبي انسير يم حامي ظعنها=شيخ العبيد الي بعيده خباره
تاريخها من صار بيده ظمنها=خذاه في ضرب الفشك من سطاره
وش عاد لو عمان قبلي سكنها=العبيد كله جاعده بانتظاره
الدار عشر سنين طول حزنها=مابه قصور شيوخهم بالاماره
نعميم من شيوخ العبيد بوطنها=علي هو ستر الحويجه ستاره
ادري بعلي باليل تسهر جفنها=يتنى فرار اليالي ادواره
دنياك مثل البنت حمرٍ وجنها=اليا وجهت اقطف نفايل ثماره
دنياك مادامت لحيٍ سكنها=خذت شفيع الخلق يوم احتشاره
يالله ياعايد سحايب مزنها=بعد المحل منشي سحايب امطاره
يالله يامثبت الكعبه ركنها=تستر علينا من بلاوي دماره
بجاه الرسول الي دينه تقنها=الي نزوره بالمدينه زياره