أحلى الليالي عشتها بأول العام
وآخر لياليي قضيته هنيـــــــــــاء
في وادي الديرع قضينا لنا أيـــام
مرة مثل مامر هملول ميــــــــــاء
يساقه الغربي بالأرياح قــــــــدام
خياله سريع وماطر الأرض ريــــاء
مع صاحب ٍ صارة لياليه أحـلام
وأكتب عليه امن الشعر ماتهياء
خلي شرقلي القمر يوم هو تـــــام
اوبرق ليل ٍفي نواشيه ضـــــــــياء
والعود زملوقٍ نبت بعد الأوســــام
بعد المطر يلعب بنسايم ضحياء
والعين عين ألي على الوكر حــوام
حر ٍ من الأحرار مهو حديـــــــــــاء
ياسطم المحمد لي الوقت هــــدام
الصبر ضاع ولابقا فيه شيــــــاء
القلب يسري مع لياليه مانـــــام
يتلي ربيع ٍ أزهر فيه حيـــــــــــــاء
ليت الليالي يا صفت وحضناقام
ليت الليالي فيه تاقف شويــــــاء
كم واحد ٍ مثلي تمناله أيــــــــــام
صار يتمناها وبه الوقت عيــــــاء
ليلي ونهاري كلها أكدار وأوهــام
وأرعى سواد الليل ونجوم الثريـــاء
والجسم ناحل صاير ٍجلد وعظام
من شاف حالي قال وشبك كذياء
وراع الهواء مايستمع لكل لــوام
يعيش في دو ٍمراعيه غيـــــــــــــاء
أحلى الليالي
العرض العادي
