ياخترت من زين المواتر زموله= اختر من أنواع الصوالين فاكسار
حجم مقاس البدي عرضه وطوله= كنه مصمم من فضائيات الأقمار
وصفة شطرطونه على حجم زوله= قوس القزح بين الأشعة والأمطار
نوعه مميز ما ورد للحموله=الا الدريول والمساعد والأمار
شيك عليه وجهزه واجهزوله= ودعوا دعى سير السفر وقت الأسفار
ركبوه والأبواب دقوا اقفوله= تقفيل مزوجها على لمسة أزرار
كن حس ماطوره ليادبلوله= صيحة هبيلاً سامع ٍطبلة الزار
ياداس له رأس القدم وادفعوا له=أسرع من الكهرب على ضغط تيار
أسراب تحت شمس الضحى وامهلوله= حتى النبير اشر على خط الإنذار
قالوا عطه مادام دربه سهوله= قدامنا يا سائق الفكس مشوار
مادام سكانه يمينك تنوله= دف السليتر وارغمه صالي النار
قبل الغروب يضايقنا حلوله= نبي لنا مع مفرق الخط معبار
نبي محلاً حين ساعة وصوله= نشوف به من نافز العشب نوار
ينشط به التعبان حزت نزوله= ودار الحديث وقضوا الليل سمار
والصبح شافوا للحباري عموله= بين الفياض اللي يشوقن الأنظار
ومعك أشقراً تعجبك نظرة قبوله= ضيم اللبود وعوق عجلات الأطيار
ياشافته تغضي بنظرة خجوله= لد النظر يمه عليها تقل عار
هي ماتبي شوفة ونفسه ميوله= حبه لها بأسلوب ماكر وغدار
شوفه هبلها والخريش مهبوله= ماتريد شوف الصيرمي واف الأشبار
يوم اعتلت قال ارجعي يانذوله= أنا عدوك للمجانين حشار
قالت لابله مانجيك بسهوله= دامك تقول أنك مشعوذ وسحار
قال السحر والشعوذة لاتقوله= يابرق دقاق الريش مجهودك اصفار
وتعانقن بالجو صوله وجوله= ونزل كبير الخرب والدم نثار
والملبدة منه الخلايا مغسوله= الدم وقف والعصب فيه منهار
يوماً على برق الدواغر ميوله= مثل نهاراً يوخذ الثار بالثار
هو منواة الصقار من كل دوله= كلاً يقدم له عساسه وسبار
كلاً يبي صقره يجرب فعوله= مثل الذي يرجى من أعياله البار
تمت بقولاً من مقالاً نقوله=هذا وصلى الله على خير الأبرار
رحلة قنص
العرض العادي
