اليكم هذه القصيده المتواضعه التي اعبر
فيها عن وضع احدى صديقاتي التي اعتذر منها مسبقا ً لأني لم اكتبها غزليه كما طلبت
انحرفت عن المطلوب وكتبتها عن عزة نفس اي أنثى عندهها كرامة وكبرياء شمريه
عل وعسا ان تنال اعجابكم
طبيب عشق يداوي الجرح بدموع
دموع الندم تضفي على القلب عله
اغويتني ياقلب في حب مخدوع
بين خداعه بعزة النفس ذله
بذات طبعه منه العطف منزوع
اكبر دليل ٍ عذب اليوم خله
هو يتأمر وان تماديت ممنوع
مغرور نفس ٍ منهو غيري يحمله
واذا غلطت بحرف يسويه موضوع
ويعوفني بالضيق وقربي يمله
اوقدت له اصباع يدي له شموع
وضميته وسط العين ورموشي ظله
وتركني حاير منه القلب موجوع
متشفي ٍ بدموع عيني تهله
وعده سبع اعوام ماعده اسبوع
مودتي ينساه بلحظه ويمله
وأستعبدن مملوك بالكره والطوع
وكتاب عتقي بيدي ارجوك خله
عدي كسير بركبة الساق موجوع
من حر صوابه ساهر الليل كله
متعوده امشي وانا الراس مرفوع
مايزحزح(ن)طاريك ولاعندي زله
انزع غلاك الداخل الجوف مزروع
وان عاندن حتى صميمي اتله
يلي احاسيسك لهـــا عدة فروع
تعطي عهود وكل يوم ٍ تحله
تـدري انا وينـ؟؟ـي مثل حبة الكوع
عارف مقامي زين ومن اي مله
ابشرك مالي على البيت مرجوع
غلاك يرحل والكرامة بمحله
وســـــــــلامتكم
بقلم الشمريه المجهوله