بسم الله الرحمن الرحيم
حصريا ً صورة شيخ شمل قبيلة المسعود من شمر
( شـايب الاسـلـم أخـــو جــوزاء )
الشيخ عبدالله بن عواد بن مذود بن اللغيصم
قصيده للشاعر عبدالرحمن عادل الشمري في مدح ووصف وذكر طيب الشيخ عبدالله ابن اللغيصم
هلهلي يأم الحيا وذبـــــــي الهبريه = ودوك من در القصايد حجل وســـــــــــــواره
والله انه مي غريبه عــــــليه شويه = وهو نــــــــــجم وابوه ابو نجم سعر وسعاره
ياولد عبدالله اللي عـــــــلومه حيه = ماتموت الا يـــــــــــــــــموت البخت واذكاره
شايب الاسلم اليا هام مثـــل بنيه = يكسر طوال الــــــــــــــــــــسنينات قبل قصاره
شايب الاسلم ابو المكرمات وخــيه = ماتردا بالاجــــــــــــــــــــــــــانيب كيف بجاره
ريف شمر يوم شــــــــــمر لفا لافيه = فوج من عبده بثــــــــــــر فوج من سنجاره
يعتفر للمرجله مـــــــــــــاله الا هيه = ويشهد الله ثوبــــــه المــــــــــرجله ووزاره
من مثل عبدالله اللي عــدته السيه = الفحول اليا هـــــــــــــــــــــــدر مالهن هداره
للقنا شــــــــــذره وللمحزم الشبريه = وللـــــفزع غاره وللمـــــــــــــــعتدي سواره
وللضما مارد وللمستحي عــــــــانيه = وللـــكرم منسف وللشــــــــــــــاذليه بهاره
يعطي الخواره ويــــــــمسك الجوديه = ويعطي الـــجوديه ويــــــــــــمسك الخواره
ماجنا طويلة العــــــــــــمر يالمشريه = درب هـــذي بدرب هـــــــــــذي وكاره كاره
من يبي يلحق عـــــــــبيان ولد عبيه = افهمــوها يالنشــــــــــــــــــاما ماهي حزاره
مثل اخو جوزاء اخو جوزاء وشيه شيه = شاخ بالصـــــــــوبين كـــله وهو بالحاره
ماتلوق بغير عبـــــــــــــــدالله القافيه = فتحت نـــــــــــــــــــــــواره وغـمضت نواره
احمد الله يوم شفته شرق لي ضيه = راعــــــــــي العــصلاء ابن عواد عمر الداره
هذه قصيده للشاعر ذيب العمودي الشمري عندما زار الشيخ عبدالله بن عواد بن اللغيصم في المستشفى العسكري بالرياض ودخل عليه لزيارته في المستشفى وامر ابنائه بعدم خروج ضيفه الا بعد اخذ كرامته فحزت في خاطر الشاعر الشمري بصعوبة وضعه الصحي وحرصه على عدم ترك المواجيب وهو بالعنايه المركزه فثارة قريحته الشعريه فكتب هذه الابيات بالشيخ عبدالله بن لغيصم
هذرا على الشيمه على عمر سبعين = راع المقام المعتبر والشدادي
وآخر وصيه للعيال القريبين = فعلاً وصية شيخ ماهو بعادي
ماقال اوصيكم بجمع الملايين = اوصى عياله بالقيم والمبادي
ماعاد اطاوع من يقول الكبر شين = وراعيه ما يبقى عليه اعتمادي
عندي بعبدالله دليل وبراهين = ان الهرم ماهو عن الطيب حادي
يكبر على الامجاد حين بعد حين = للموت يبقى بالمكارم ينادي
بالطيب شارك في جميع الميادين = يزرع ويحصد في نهار الحصادي
هذي مناهيج الشيوخ العزيزين = ماهي مناهيج الطيور الحنادي
نعمٍ بـا اخو جوزا بالعسر واللين = اهل الحميا مطلقين الايادي
كم جالهم صقر بليا جناحين = وأعطوله الجنحان يوم الهدادي
حمولة تاريخها يفتح العين = ماهم على كسب المفاخر جدادي
ولو كنت من معروبهم ماعلي دين = ادين نفسي والتزم في شدادي
رحم الله الشيخ عبدالله بن اللغيصم وصح لسان الشاعرين