اولا احب اعرف بنفسي انا الشاعر المتواضع لله تيسير عمار ابن صخيل الشمري من
الحدود الشماليه محافضة رفحا
اتشرف ان اكون ضمن اسرة منتديات قبيلة شمر وكذلك احببت اقدم لكم احدى قصائدي المتواضعه واتمنى ان تنال اعجابكم اليكما لقصيده
الشعر ياعز النشاما وهايب
رب البشر يعطيه لكاتبينه
سبحانه اللي عالم (ن) بالمصايب
رب العباد اللي نترجى عوينه
ربي تصخرلي سليل الحبايب
غرو(ن ) خذى قلبي بخافي كنينه
غرو(ن) وله بالزين شيٍ (ن) عجايب
له نعسة بالعين في غمزتينه
زوله خذى قلبي نهبني نهايب
كلي فدى لزوله ولقذلتينه
ليالفى يمي تزول الصعايب
ويرتاح بالي وآتحلى بحنينه
زينه شلع قلبي وشنت حرايب
في داخلي حرب (ن) تراقص حزينه
ودي بقربه لانه الحال طايب
ليا اقترب مني تزول الغبينه
ليا اقترب مني تصب السحايب
يبتل ريقي من عسل جمرتينه
ياحيف لو انه تزول الطلايب
لامشى انا وياه فوق السفينه
للديره الي مابها الا الهبايب
ويصير جنبى واتمرا بزينه
والخاتمه صلو عدد كل تايب
واعداد من طافو بخشع وسكينه
وسلامتكم بقلم تيسير ابن صخيل