قال عبيد ابن رشيد فصيدته الثانيه يتهدد به امير عنيزه و يتوعدوه بالموت الاحمر يوم يقول :
الحرب شب وطاري الصلح مافور = ومن شب نار السو من صلوها ماع
اْرجي عسى ما قايل الضد منصور = ولا يقبل الله دعوته هو والاتباع
ولا يرتفع حضه اليا نفخة الصور= قل امين يالي للخفيات سماع
والميت منهم ما يخلد مع الحور = ولا لهم في ماقف الحشر شفاع
يا دارنا من جاك يبشر بعاثور = غير الضيوف من تنصاك بياع
من لا نحاه الحق ننحاه بالزور = بمحضرات الهند مع كل شعشاع
كم واحدن بحرابنا طاح منجور= توطته سم الحوافر على القاع
والي تعشاه حواويم وانسور= وسبع الخلا يفرش به كل ما جاع
من لابتن فعله مع الناس مشهور= بديار سلطان العجم ذكرهم شاع
الحرب نبديله بيوتن كما القور = ومن مقدمن عاداتنا ذبح الافزاع
يا ابن اسليم كان اخذتو لنا ثور = وحطيتوا لك ناس تبي منا الاطماع
ياما نصحتك مار ماتقبل الشور= تمشي لنا شر نمشي لكم باع
وبشر نجزي من بدانا على الفور = ناتي حتاحيتن على كل مطواع
وان كان بك ظرسن امجزيك منخور= افـ حنا لكم جاز ولظرس مقلاع
نكوي نحانيحك ونرصف على الزور = اليامن تطيب من السخونه و الاوجاع
وان ماجلى هذا انحمسك بتنور= اليامن تواقع من ثناديك الاظلاع
ياثور انا انا مامت وافداك صنكور = وهذا جزى هلت ادبيسا بالادماع
وان طعت شوري لا تبين عن السور = واْعطى الغريم من السناعيس الاصواع
بالله مكسور و بالخلق محقور= والريح نامت عنه الهبوبن وذعذاع
ولو تطلب الفايد فراجيه ماثور = ضربت درب لي على البير وقاع
واْهفيتوا الويلان والمال و الخور = واْهفيتوا اجواد على الكره تباع
العام منا واثري رحت مصقور = تبعد ولا انت للمغانيص بزاع
واليوم جازت هقوتك بام تنور= اقراك به جمع الجناجيل الارباع
ما تدري ان مدور الشر مديور ؟= الثوب جاب العبد ومن اشترى باع
وفي سنة 1262 غزا الامير عبيد ابن رشيد عنيزه باْمر من اخوه الامير عبدالله الغزوة الثانيه ,
ثم غزاهم الغزوة الثالثه ..
والي انذبح به امير عنيزه عبدالله ابن سليم و اخوتوه يوم يقول الامير عبيد ابن رشيد :
طلبت من يعطي العطايا اليا سيل = الي عن الطلاب ما سك بابه
يحطنا لشيوخكم طير ابابيل = ودياركم على ادينا خرابه
واعطان مولانا و زاده يتسهيل = وارجين دعوتناعليكم امجابه
حطيتلك لك ناسن تحبل تحابيل = ورزقه من الضبان تملى عبابه
تبي تحرب متعبين الفناجيل !؟= قبلك مضى ناسن سعو في خرابه
حنا لكم مامن ورانا محاصيل = الذيب ما عنده حذا طر نابه
حنا على الطوعات والكنس الحيل=وارزاقنا دايم تجينا انهابه
بظهور طوعات يشحلن تشحيل= يردن حياض الموت عندك قرابه
وبيماننا حدب السوف المصاقيل= ومطارقن ماينتداوى صوابه
ودهمن بهن ريش النعام المضاليل=نروي الضد من المناحر حرابه
لازمن اذا وردن يصملن تصميل= بقوم يسدك حاضره عم غيابه
وانشفتهن اقفن تراهن مقابيل = ولهن عند الملزمات قلابه
جينى و جيتو فوق زمل الجماميل= وردو عليكم موحشين الحرابه
ابيومن ضفا عج السبايا تقل ليل= صحنى وعنكم رحمت الرب غابه
وحلو زعجتنا عليها الهلاهيل= بيومن كسى وادي عنيزه قبابه
صارت فقايدكم ارقاب المشاكيل= بيمان من لا ثمنوقي عقابه
والقصيده اطول من ذلك استبيحكم عذرا لان هذه الي حافضه .
الامير عبــيد ابن رشيد يهدد امير عنيزه و يتوعده
العرض العادي
