هذه قصيده بالشيخ خالد الجربا

بسم الله الرحمن الرحيم

الشاعر\مشعل عسّام التريباني الشمري

((سلام ))
هذه قصيده بمناسبة دعوة الشيخ خالد لي دعاني لحضور مناسبه عنده ولكن لم تتيح لي ضروف العمل الحضور وارسلت له هذه الابيات اعتذر منه الله يطول عمره
سلام ياشيخ الطنايـــــا كحيــــــلان (1) خالد سليل الجود نسل الاســــــودي

سلام مني عد همّـــــال الامـــــزان (2) واعداد من يسجد لربه سجــــــودي

واعداد ماتوم الهبايب بالاغصـــان (3) وعد الحصى واعداد رمــل النفودي

سلامن احلى من شذى ريح ريحان (4) على سموّك ياعريب الجــــــــدودي

واحلى من البارد على كبد عطشان (5) نهر الفرات اللي يبل الكبــــــــــودي

دعيتني ياشيخ ياطير حـــــــــوران (6) يالنادر الباسل قوي العضـــــــــودي

لكن ضروفي ردتن ياكحيـــــــــلان (7) وابي السموحه ياسليـــــــل الفهودي

ياترثة الاجواد ياعالي الشــــــــــان (8) عساك دايم يابـــــو صالح بــــزودي

والله يمين القطع خــّلاق الانســــان (9) ودي بشوفك مار صرت محــــدودي

انا على شوفك شفوقن وولهــــــــان (10) يالنادر اللي بالفعول محمــــــــودي

ابدا علي شوفتك من شوف الاخوان (11) لكن عجزت افرغ وحملي يــزودي

المعذره ياشـــــــوق ميــّاح الاردان (12) ياشوق غطروفن غضيض النهودي

بنت الرجال الي يفكون الاضعــــان (13) ياجا نهارن فيـــه قدح الزنــــــودي

ابيك تعذرني الى صار نقصـــــــان (14) عساك ماتجبرعليــــك اللحــــــودي

 

 

 

 

 

 

 

 

 

 

الف مليون نعم بشاربك يامشعل والف مليون نعم بشارب خالد صححححححححححححح السانك مليون يامشعل يعطيك الف عافيه الله لايهينك طال عمرك

 

 

 

 

 

 

 

 

 

 

حي الله شاعر الحكمه

اخونا الكريم

ابوعبدالرحمن

صح لسانك مليااار

على القصيدة الجزله من راس جزل

والعشر تنعام فيك وفي خالد الجربا

تقبل مروري

 

 

 

 

 

 

 

 

 

 

بيض الله وجهك يابوعسام

وافي ولامنك قصور


ولايهون ابوصالح راعي واجب

 

 

 

 

 

 

 

 

 

 

جميع الاخوان والاخوات شكرالكم جميعا على المرور المشرف الله لايهينكم ايها الافاضل