على حزم الضياع ارقبت زادتني الطعون طعون = احاول اجمع الذكرى ولملم باقي شتاتي
اشوف القاع به ممحل ولابه في سماي مزون = ولا باقي سوى عج الجفاف ونبض هقواتي
تهقويتك ولاكني اشوفك يالهقاوي ظنون = واشوف ان الظنون اثمن ملطخ طهر نياتي
الا يالعنت الايام صرت بواقعك ملعون = ولا ياقسوت الاوهام زدتي من معاناتي
عجزت احضن دفاء /بردك/ وانا في داخلك مسجون = وعجزت اسقي بماء /وردك/ جفافن ضم شتلاتي
تعبت ارحل/تعبت اسئل/تعبت اغربل المظمون = تعبت اظمن غرابيل السوال بشح اجاباتي
رجعت وليتني يومن رجعت من السفر/تدرون = الا ياليتني باقي علا وضعي بسفراتي
لعبتك طيش/برض قريش/مدري ليش/ يالقانون = تجرمني وتشر بصبعك تبغى مقاضاتي
وانا جرمي الوحيد اني عشقت الفاتن المزيون = عشقته واستلذيت بهواه وصحت بالاتي
انا ياملهمت شعري مشيتك بالوفاء مديون = مشيت الدرب ماعندي سوى دمعي وعبراتي
حظنت عيون لعيونك /ولعيونك وطيت عيون = صحيتك رغم هزات الزمان ورغم عثراتي
تعالي لعنبو جد القصيد وعالمي فرعون = تعالي فرعني باقي زمانن يحظن سكاتي
تعالي شيلي كتابن على رف الزمن مركون = تعالي وركني باقي غبوني قبل حسراتي
تعالي مابقى فيني/ طعم/ لارائحه /لا لون = شحوب / عيوب/ تالي ثوب/ فيه اتلحف سباتي
انا في فظفظت صمت الفراق اصبحت لك ملسون = ونادتك الظلوع اللي تصيح باسم مولاتي
تجنستك/ وانا قبلك اعيش بهالزمان (بدون) = وتونستك/ وأنا قبلك نسيت اشكال ضحكاتي
تقول /تمون/ في كلي /اقول بكل كلي تمون = تقول/ شلون /ياخلي/ اقول اسئل دفاء ذاتي
انا لو كنت ابي المليون رحت لشاعر المليون = ولاكني حسبت انك ملاييني وطفراتي
اشوفك ياامسيات الشعر قافن داخلي موزون = تشعلل باقي افراحن تعيش اكفان ماساتي
انا لجلك/ لجل عينك/ اشعلل بالشجون شجون = وعلى شانك ابل ارياق كانت تجرح لهاتي
عزفت احزان لعيونك/ وبه جرحن بقى مدفون = وعشقت اوهام لجنونك / يااول واخر ابياتي
رسمتك لوحتن فيها تبيح خافين مكنون = وجيه اغراب/تالي تراب/بدروبي وخطواتي
عرفت انك معي غربه /وعرفت اني بها مسجون = وعرفت ان الظلوع اللي تصيح باسم مولاتي
تردد لك فراعينن بقت في صرخت الفرعون = تعالي فرعني باقي جمودن يحضن سكاتي
(((الملهمه)))
العرض العادي
