ليه وصل الحبايب ياوفا مايدوم = ليه عمر الابنادم ياتقدم قصر
ليه نجم الثريا غير كل النجوم = ليه مال الفقارى غير عيش الفقر
ليه نفح النسايم غيرلفح السموم =ليه لمس البريسم غير لمس الجمر
كل هذالتساؤل والاجابه لزوم = والاجابه بسيطه لاتبسط صفر
بس لا لا مصيبه كل حرف(ن) يشوم = مايهين الكرامه غير حالة قهر
كل هذا التساؤل فيه حزن وهموم =فيه غبن الليالي مثل غدر البحر
فيه حظن جميل وحظ عيا يقوم = فيه قلبن رهيف وقلب قاسي صخر
مار هذه خلاصة تجربه للعموم = لاتحدر بواد ولا تطالع قمر
امسك ازمام نفسك عن كثير العلوم = لاتناظر عيونن ناظرتك بحقر
والمقاسم تكتب للخلايق سهوم = من غدى عن نصيبك ما يجي لك جبر
ومن تنكر لغالي مانبيله رسوم = سمح الله طريقه مانعده ذخر
والبنادم حياته بين يوم ويوم = كيف ما عاش فيها تنتهي للقبر