خذني معك ياعازف الناي للغي = جاوبت مسحوب اللحن من عنايه
لومي على الخلان والطالع السي = وانا بعيد اهداف صعباً رضايه
نار الهوى منها كوى خافقي كي = الحب سادي والتجنّي هوايه
برق الامل ما اشوف له بالفضاء ضي = وسهيل ما هو طالعاً في سمايه
الموعد الاول مضا ما حصل شي = والموعد الثاني قرب للنهايه
هي واعدتني بالهوى واخلفت هي = ومن جورها صار الخطا من خطايه
اهديتها قلبي مع الورد بأيدي = لو جاملتني قلت ماهو كفايه
قلت اسقي العطشان بالوصل يا مي = ويلك من الله كان متّ بظمايه
ما قدّمت غير السهر والتعب لي = لكنها للقلب مقصد وغايه
متى الليالي تجمع الحي للحي = شوف العيون بلا مخافة وشايه
الموعد الاول
العرض العادي
