حشمة الضيف

كتبت هذه الأبيات للتواصل معكم إخواني أخواتي
أتمنى أن ترتقي هذه المتواضعه إلى ذائقتكم الرفيعه

للقاف مدهال ٍ بساس المواقيف=والشعر عندي صارم ٍ مايجاجي
وإن شفت ضول ٍ بالموارد مهاديف=أصد عن ضول ٍ بجوه عجاجي
وأنا قوافيي مثل حشمة الضيف=أحطها بأقصى الحشا لإحتياجي
أعوم به وسط البحر كالمجاديف=وأشرب قراح ٍ ماخلطه الهماجي
بحر الشعر ماهو خيالات مع زيف=قاعه صعيبه للذي بإدراجي
ماياصله من يملي الوقت بالحيف=يتيه في ليله بدون إنبلاجي
يروح وقته ممتلي بالتحاسيف=لا واصل ٍ حروه ولامن ملاجي
وأنا قوافي خاطري عن هواء الصيف=ألقى بها طب ٍ يسمّى علاجي

.

أخوكم / ممدوح بن زايد سعد الشمري

.

 

 

 

 

 

 

 

 

 

 

ابرك القصايد اللي عرفتنا على اسمك

والنعم ياممدوح.

ابدعت واجزلت
صح لسانك .

الله يحفظك:

 

 

 

 

 

 

 

 

 

 

اخوي الفاضل طنيان
الله يبارك بعمرك
وماعليك زود وأخ وعزيز وغالي
ولك عندي كل التقدير والإحترام
لاخلا ولاعدم مع شكري وتقديري لك على تشريفكـ

 

 

 

 

 

 

 

 

 

 

صــــح الســانك ياابوزايـــد مرار وتكرار قصيــده تأخذ الانفاس من روعــة جزالتهـــا ابـــدعت وامتعــــت بيض الله وجهــــك وصح فكركــ ولاعــــدمنــا جديدك

 

 

 

 

 

 

 

 

 

 

اختنا الفاضله الجموح
صح بدنك وصح حضورك
ويعطيك العافيه على ابداء رأيك بالقصيده
فإعجابك بها يعتبر دافع معنوي لي
شاكر ومقدر لك هذا التشريف
لاهنتي ولاهان مقداركـ

 

 

 

 

 

 

 

 

 

 

يا اخي ابدعت متابع الك شاعر مقتدر





دائماً مبدع فا انا متابع الك



اخوكم

 

 

 

 

 

 

 

 

 

 

صح لسانك دوم

ابيات متناهيه في الجزاله

كتبت فأبدعت وتمكنت

دمت ع الف خير

 

 

 

 

 

 

 

 

 

 

ياهلا والله بأخوي الفاضل سلطان ابو الغنم
وحياك ربي وبياك ورفع الله مقدارك
وسعيد بوجودك وحضورك وبمتابعتك
فهذا يبعث السرور في نفسي
لاخلا ولاعدم مع كامل تقديري واحترامي لشخصكـ

 

 

 

 

 

 

 

 

 

 

ياهلا والله بأخوي الفاضل الشاعر الهيلعي
حضرت فأثلجت صدري بحضورك وتعقيبك الطيب
لاهنت ولاهان مقداركـ على تكرمك بالحضور
تقبل تقديري واحترامي لشخصكـ

 

 

 

 

 

 

 

 

 

 

ابو زايد
يعلم الله اني متشوق لقصيدك
يالله درك سبك وحبك وجزالة لفظ
ايه هذا الشعر اللي يطرب البال
كفو يالقدهي ومليون كفو
ولاتبطي بالجديد علينا يالعزوه
يعلم الله انا عطاشا لمثل هالشعر