في المنطقة الشرقية وباسكان الحرس الوطني حدث ان ابن خاتم بن حامد بن جميل الويباري العبدي الشمري دهس ابنه ابن حامد بن محمد القعيقعي الرويلي وتوفي ودخل ابن الشمري التوقيف وقال الرويلي لايدفن الابن حتى يطلع ابن الشمري من التوقيف وطلع ابن الشمري وبهذه المناسبة الروله دعوا الرويلي الى مناسبه لموقفه الطيب وبعدهم قبيلة عنزه دعوه وبعد ذلك الشمري الذي حضر جميع المناسبات دعاهم بأسم شمر بقصرالماسيه بالراكه بالخبر
وتم الحفل وسوف ينقل على قناة صدى الفضائية في الايام القليلة القادمة فنقول الله يجزاه خير ويعوضه بخير ويخلف عليه في مصيبته وراع الاوله مايلحق
عادة هل العليا بعيديـن الاذكـار=مايكسبون الا العلـوم السمينـه
افعالهم فيها تواريـخ واشعـار=ماتحصيه اهل العقـول الفطينـه
ياكبرت القالة وعميّن الابصـار=وقفاتهم طب النفـوس الحزينـه
كم راح بارقاب المناعير من ثار=عدوهم يـذوق كـاس الغبينـه
يتلون شيخ عادته دوس الاخطار=الليث ابن شعلان حامي عرينـه
واليوم عم الامن في كل الاقطـار=من جاه ابوتركي غشتها السكينه
عبدالعزيز اللي كما السور للـدار=حبل التواصل وثقه فـي يمينـه
شوره غلب كل النصايح والاشوار=ارسى على كل الموانـي سفينـه
واستوطنت كل القبايل بالامصـار=تجمعوا بعـد الهجـر بالمدينـه
بيضا لحامد نرفعه سر وجهـار=اللي سبق عفوه وحرر سجينـه
من طيب راسه حافظٍ قيمة الجار=والجار الاخر يطلب يسـد دينـه
الله يحرم وجه حامد على النـار=اوزوجتـه وعيالـه والديـنـه
امين وانتـم رددوهـا يالاخيـار=يالله على كبر المصايـب تعينـه
من قبلنا راحوا سواليف واسرار=كـل يحصـل ماتقـدم يميـنـه
لابـد ماتبقـى للاجـواد تذكـار=تبقى العلـوم الطيبـه والثمينـه
بعد اذنكم تحية اجـلال واكبـار=لعبدالرحمن الله يطـول سنينـه
من غير ابوفواز يالطيب تختـار=رجل على الواجب يفك الخزينـه
لله دره مااختفى خلـف الاعـذار=يشكر عسى رب المـلا مايهينـه
بأسم الامير ابن نهيـر وويبـار=واللي حضر الله يبيـض جبينـه
تم الصحيح ونار في عين عمـار=انشد وياتيك الخبر مـن جهينـه
ابن الضياغم=
!!!!!!!! عادة هل العليا!!!!!!!!
العرض العادي
