الايالله ياكاسي العضاما=هديت الخلق من بعد الضلالي
حزين القلب ماصيده غراما=ولاله في هوا البيض انفعالي
يدور ابخاطري بعض الكلاما=يصول الفكر واخراجه دوا لي
سلامن ياهلا الطيبه سلاما=اشوف الطيب عن منزله جالي
وش اللي صار وشبه يالنشاما=نجوم اللي ماقامت تلالي
يمر الوقت والدنيا تماما=نفوس الناس من حال لحالي
علام الطيب مايعلا علاما=نزل وانزله ناسن هم نزالي
سمعته من بعض ناسن يلاما=الينه ساس من ساس الرجالي
ترا راعيه لو يعتاز صاما=مايطلب من هلا المدفان مالي
يعيش بعزته لو صام عاما=بعون الله رزاق الهمالي
قليل(ن) ياعرب شوف الكراما=كثير(ن) دربهم درب الرذالي
رفعته فوق راسي كالعماما=وناسن همها كسب الريالي
يدوم الطيب لصحابه دواما=ويفن المال واصحابه زوالي
طلبتك ياعزيز(ن) ذو انتقاما=طلبت الله ربي ذو الجلالي
عزيز النفس لايرخص مقاما=الا يارب في عال العوالي