قصيده بمناسبة حفل الشيخ فواز الأسمر البنتان لأبناء جدعان اللغيصم وشيوخ القبائل/

حان القصيد المعتبر اللي على بالي ظهـــــــر
أبيات نظمه يطرب اللي يسمعون أقوالهـــــا

والقاف من نظم الضويلي مايطوّل مختصـــر
آخذ من صنوف المعاني والحروف جزالهـا

بمناسبة عودة مليك المملكة عقب السفـــــــــر
نهني انفسنا قبل دام الفرح مدهالــــــــــــهــا

المملكه مستبشرين بعودته بدو وحضــــــــــر
ماهي مظاهر لكن قلوب ٍ توصّف حالهــــــا

يالحاضرين أطلب طلب ادعو له بطول العمر
رغم اني ادري دون مااطلب كل واحد قالها

من بعدها إزجي سلامي للحضور المعتبــــــر
كل ٍيمثل لابــةٍ تــزهى بفعــل رجالهـــــــــا

شيوخ كل ٍيزبنه لاصار بالدعوى خطــــــــــر
من دون اخصص كل يمنى تنعرف بافعالها

هذا زعيم ٍبالجنوب وهذا من شيوخ الحفـــــــــر
وهذا يشيل من الحمول الكايدات ثقالهــــــــا

بضيافة اللي باللوازم وافي ٍإليا حضـــــــــــــر
شيخ ٍ تقــــدم للمواجـب ثم تعـلى جبالهـــــــا

الشيخ ابو فيصل زعيم المرجله إليا حضــــــر
اللي فعـوله وافــياتٍ دقـــــها واجــلالهــــــا

مواقفه وقت الفزع أعـدادها مـاتنحـصــــــــــر
رجل ٍ مواقف نخوته دايـــم يــمــد حـبالـــها



والشيخ راضي راعي النفس البشوشه لاظهــر
ماينثني وحمول ربعــه باللــــوازم شالهـــــا

أبافتخر بك ياإبن بنتان واصـــدح بالفــــخـــــر
والطيب حيد ٍ قمته ماكــل حـي ٍ طالهــــــــا

من ساس عود ٍ ياعسى الجنه مقـامـه والمـقـــر
الاسمــر اللــي كلمتـــــه إيـتـمـهـا لاقـالـهــا

عصرالخميس اليوم صغت القاف ماهومن شهر
والمعذره عن كل زلـه حـاضــره باقـوالهــا

اقصد بها اهل العرف واقدم لهم كل العــــــــذر
والجاهل الله يستر احواله ويحفظ حالهـــــا

مايعـتـِبـِر مما حـصـل بالثـورة اللـي فـي مصـر
ومعمّر بحال ٍ عجز لايسـتــسـيـغ احـوالـهـا

أخطا على شعبه وهو متحصـن ٍ وسـط القـصـر
والله يعـيـن اللـي بـعـد عِـزه تجـيـه نعـالـهـا

هذا وصلى الله على الهــادي عـدد نبت الـزهــر
وعداد ماهـل المطـر بجـبالـهـا وســهـالـهــا




زياد عكروش الضويلي

 

 

 

 

 

 

 

 

 

 

عشت يا زياد بن عكروش ..

لاهنت ويعطيكـ العافية .

 

 

 

 

 

 

 

 

 

 

ســلمت يمناك الف شكر وصح لسانك

 

 

 

 

 

 

 

 

 

 

صــــــــــح لسانك يابو عكروش

ابـــــدعت واجـــــــزلت

لاهنــــــــــــــت.

 

 

 

 

 

 

 

 

 

 

مشكورين على المرور
وصح لسان الشاعر

انا مجرد ناقل

 

 

 

 

 

 

 

 

 

 

الف الف نعم بفواز الاسمر واللغيصم

وصح لسان الشاعر

والله لا يهينك

 

 

 

 

 

 

 

 

 

 

لاهنت يابووو حارث على المرور المميز

ويستاهلون الاجواد المدح وصح لسان ابو طارق

 

 

 

 

 

 

 

 

 

 

صح لسان الشاعر وتسلم على النقل ويستاهل الممدوح