صباحكم/مساكم رضا ومسرات
للتواصل معكم وعسى ترتقي لذائقتكم الرفيعه
الله من هاجسٍ بالقلب ياباذر=هاجس يزلزل جبال اللوز والزيته
البارحه يوم انا ويا القمر ساهر=يوم ان كلن رقد وارتاح في بيته
اخوك يبراه همه وارد وصادر=عجزت لقواه رغم اني تحديته
صبرت حتى وعى النايم من الباكر=والوضع وضعي بخطوه ماتعديته
قمت اتمنى الخوي مع سجت الخاطر=لديار قلبي لها يشتاق لطريته
بالليل بعد العشاء والجو لك خادر=وازمالتك من حفيزه تو سريته
صنعة خبيرٍ تولى صنعته ماهر=مالعوزه عند تصميمه وتنحيته
جكسار زوله تقول مشعوذ وساحر=جذاب بد المواتر يوم راعيته
يوم انتهض مقدمه كلن له يناظر=وانا اتحلاه والمسحوب جريته
ياماحلا طارته في ساعه مغادر=مغادرن عن تبوك بساع تليته
من شيشة البندري وادعت انا ثامر=وعبيت جوز التوانك لين مليته
معي خويا يردد مطلع السامر=وافي يجر اللحن ويجيد تصويته
والياوصلنا ديارن تسعد الناظر=من عود الارطاء سعير النار شبيته
زهمت وافي وجاب البن والذاعر=مع هيل هندي وكيف الراس سويته
فنجال دله مزعفر ييقض الساهر=لو نام مع شفة الفنجال صحيته
يطرد عماس العيون بلونه الفاخر=ينساح بالك اليامنك تقهويته
برضٍ بها الصيد جول وجوها ماطر=ريح المطر مع هواها يوم شميته
بأوقات تلقا الربيع وريحه العاطر=من طفرة الارض نوع العشب مأحصيته
بديار فيها الونس والناس به خابر=حايل عروس الشمال النفس هاويته
يازين طرد الحبارى مع صدر شاقر=لاصار معك اشقرن للجول فكيته
مدربه وان زهمته بأسمه النادر=يعوق عجل الحبارى يوم هديته
لامنه انقض صوبه واعتلا عابر=قال ارجعي زان معبارك تمنيته
حول بدم اللبيد ومعضمه ناثر=من شطر كفه مع المقناص حييته
كرمت عينه طري اللحم والهابر=بظعة ثواني نصيب الطير غديته
هذا هوى القلب والمطلوب ياباذر=مالوم قلبي على المقناص ضريته
حايل عروس الشمال النفس هاويته::المقناص
العرض العادي
