شهابً منكف الليل سراه !

أبيات كيبوردية بسيطة قدمتها لسعادة الأستاذ الشاعر الكبير احمد الجريفاني"شاعر حائل" وذلك لتوضيح أسباب ما قلته في مشاركة سابقة حسيت قبله أني ما راح اكتب شعر واعتزل وعلق ابو فراس على كلمة اعتزال الشعر و أكد لي شيء لا جدال فيه ان الشعر هو من يكتب الشاعر ولكن أنا يئست من الكتابة بعد حادثة طريفة تتعلق بشاعريتي ..؟


لكن فعلا ولله الحمد رجعت بلياقتي السابقة وفعلا الشعر يكتب الشاعر.

يابو فراس الشعر شخصك بأوايلـه=مبطي و حنا نسمعـك منـه تـاراه
الشعر و أن كانه علم فأنـت شايلـه=و أنت أكبر أكبر من جزيل العباراه
لا صرت أجاه و عقدته و أنت حايله=و أديرعـه و سويفلتـه و مشـاراه
من راس ضلعانه ليا اقصى مسايلـه=شاعره بأيام الرخـى ليـا المثـاراه
وشلون نبغي نمدحك و أنـت قايلـه=و أنت الفلك به وأنت كل المـداراه
و أنا لـي أيـامً يشيلـن و أشايلـه=ياما انتصر بالشوط وأتلـى مبـاراه
من عقب وقتً بالشعر جبت طايلـه=جيتك شهابً منكـف الليـل سـراه
بأسباب ظبيً ما أعرف وش قبايلـه=يوم أنتهب قلبي و شعري و عـراه
من شمري ولا مـن حـدود وايلـه=و لا مـن البحريـن و لا الامـاراه
و الله يا أحمد ما أعرف من عوايله=بس الوكـاد أنـه لعـوبً مضـراه
حايل خفوقي قبل لا أجي وأحايلـه=و أطاح بأوزاني وشطـري و وراه
و حلفت بأن الشعر فينـي لزايلـه=ما أذوق للشعـر الحقيقـي مبـراه
ودفايعه يا أحمد تبي تصيـر حايلـه=من باب ما به عاشق بـدون قمـراه

 

 

 

 

 

 

 

 

 

 

صح لسانك يالشلاقي
قصيده رائعه وعودآ حميدآ بإذن الله
ننتظر جديدكـ

 

 

 

 

 

 

 

 

 

 

صح لسانك ياعبدالله والنعم باالجريفااني مبدع ومتمكن لاهنت

 

 

 

 

 

 

 

 

 

 

السكب , ناايف


لا هنتوا على المرور الطيب وصحت ابدانكم