والله لااعرفك الا من خلال شعرك
وشعرك يستحق ان يكتب به الشعر
فلله درك ايها الشاعر النابغه فلقد اضفت للشعر شعرا
علا صراع العيش يالقمت العيش = ماعاد باقي للقصايد معيشه
تهنا وبهنا في زمان التشاويش = وعيوننا قامت تناظر دريشه
داخل سجون الشعر ون قلت له ليش؟ = خارج حدود الغيم نسمع وشيشه
ايه ارعدي مادام بالمحبره جيش = ايه ابرقي ملعون يلعن خريشه
يكفي جدار الصمت نقش الخرابيش = الا متى يطحن بقلبي جريشه
الا متى بشويش لو قلت بشويش = مادام راسي كل شي يشيشه
للشوك صرخه في كفوف المناقيش = وللراس طنخه لاتحكم بطيشه
وللشعر ياهل الشعر معنى وتهميش = تبقى الاصايل في عيون الكديشه
حلمن يسابق حلم بعض الدراويش = بعيونهم دمعن تناثر طشيشه
يالبحتري لايالفرزدق وياشويش = كل القصايد في جنابك هشيشه
والشعر في حضرت سموك قفل شيش = لان البلاغه فيك تطبخ نجيشه
اخذت من حكم العرب حكمة قريش = ورسمت من فتل المعاني بريشه
لوحه تعلق بالقلوب المعاطيش = بسم الجهيلي ياعياده نعيشه
يالنابغه يالقطب يابن الاشاويش = يالنادر اللي لاكفخ بذ ريشه
حلق سماك الشعر ولاانت قل ويش = انت اللذي فوق النعايم مهيشه
قاله شمالي ضارين بلمطاريش = دربه شمال وماضرب خط بيشه
بك نفتخر والراس في حرفك يشيش = تلوم عينن ناضرت للدريشه؟