السلام عليكم ورحمة الله وبركاته
اهديكم هذة القصيد عسى ان تنال استحسانكم ودمتم بكل ود
استعدي يالقوافي برسلك بمهمه = زان وصف اللي جماله يستحق القومه
ياجماعه سامحوني لو اجيب مطمه = دام ثارت في حشايه حالةٍ مشئومه
وانت ياللي فيك لمسات الحلا ملتمه = الجمال اليوسفي من صورتك مقسومه
من عيونك حالتي يافاتنه منسمه = كيف اقاوم ياحبيبي رمشها وسهومه
لو اشوفك في نهار الصوم كيف اتمه = استغفر الله صيامي منك كيف أصومه
جعل فدوتك البليد اللي يسحب كمه = وعل فدوتك الخواجه جورج ويا قومه
ياامبرطورة زمانك هيه ياأحلا الامه = انتي انتي من يفرق عن حشاي همومه
تنتحر أهات قلبي في محيط الضمه = ياقمر خمسة عشر مدري بريق نجومه
وحبي أطهر من كلام الحاقدين الخمه = الخمام أخمام حتى لو تجيك علومه
أهـ.. ليت ابوك خالي أو ابويه عمه = كان كل اوضاعنا ياغايتي محسومه
وســـــــــــــــــلامــتــــكم ,,,,