بســـــم الله الرحمن الرحيم
وش تنصح اللي كل همه غيابك,,والقلب ينزف دم والعين تبكيـــــــك
الروح شاقت ياحياتي جنابــــــك,,والكون مظلم يا سيادة معاليـــــــك
خلك جنرال المحبه وانا بــــــك ,,امير دنيا العاشقين الصعاليـــــــــك
فيني من هموم البشر ضعف مابك,,وفيني محبه لو تشوفه ترضيــك
وفيني الم وجروح وسطي تشابك،،وفيني غرام ان شاف زولك يحييك
وفيني غرور(ن) جاك قدام بابك,,واعلن خضوع انسان بالحيل شاريك
وفيني صواب من الوله ما اصابك,,وفيني صدى صرخات رجال يغليك
وفيني من الاشواق دنيا تهابــــــك,,تخضع لك وتركع مابين اياديــــك
وفيني حنان امطار يخفي ضبابـــك,,وفيني مساري تنتهي كلها فيــــك
وفيني وفيني ومانفع بك وجابـــك ,, يوم ان كلي صوت واحد يناديك
واليوم يابن الناس روّح هلابــــــك,,للقلب الاول صاحبك ما يخلـــيك
ناديتك بكلي وانا اشكي غيابــــــك,,ولا رحمت عيون شخص(ن) يداريك
طبعك ترا بالحيل بالحيل عابـــــــك,,ومحد(ن) بهالدنيا يسوي مساويك
اليوم قلبي ايه ذا اليوم سابــــــك,,وعفتك تراني اليوم مابيك مابيك
الله يعينك لو صحيت لعذابــــــك ,, وعرفت قدري وحالتي يوم اناجيك
واالله يعينك لا برد بك صوابــــــك,,وتشوفني مقفي ولا عاد انا اجيك
وتروح يم الباب وتفك بابــــــك ,, وتشوف زولي راحل(ن) عن اراضيك
محد(ن) ترا في نزف جرحك درابك ،،خل الغرور الي عمى العين يشفيك
الشاعر تركي المبيرد الزوبعي الشمري