السلام عليكم ورحمة الله وبركاته اما بعد اليكم هذة القصيدة عسى ان تحوز برضاكم ودمتم بخير
سلام مني عد مابنيت انفاق = وعداد مادق البروقي على البيق
يامحزمي .. ياعون من حس بأخناق = عن لازمه حدوه شلة مطافيق
ذاخرك في يوماً يجفن الآرياق = في ماقفاً مافيه جاهن وتفريق
تسقي عدانا يالسند سم ترياق = واللي زبن يمسي ويصبح على الريق
ماقلتها ياعزوتي هرج وآنفاق = تشهد بها ركبه نهار العهد بيق
يوم المقرد خان ابوزيد وانعاق = ذوقتهم من سطوت عبيد تذويق
واليوم يومن الفضاء بخاطري ضاق = والصدر يكبت لازمه وانشحن ظيق
انا صبرت ولابقى بالصبر باق = والقلب فوحه دلة البن وابريق
أسباب باشة غيد ماغيرها لااااق = من رمش عينه سجل القلب توثيق
أشكي عليك الحب وفراق عشاق = ياوجد طراد الهوا والعشاشيق
خد الغظي مزناً يلوح ابه براق = سرى بالليل الصيف مافيه تبريق
ليتك تشوف القلب وشلون خفاق = لاسج به طاريه جني طواريق
أسرف بجزلاً تشتكي منه الاوراق = شرد بيوت الشعر ماهيب تلفيق
ياوجد حالي وجد ثاير بالاعماق = وجد الشجاع اللي بسجن الزناديق
يحوفني حبه ليا انباج الإشراق = وأشوف وجهة كل الإحساس تشريق
حبه دمرني والغلا يمه انساق = وانا اعرف ان القلب ماقبلها سيق
وياليت قلبي بسكرت الحب مافاق = مادام أغيب اليوم بالحب وافيق
خمره معتق بيكه كاس الأشواق = والشوق ياخذني على الدار واويق
لولا الحياء والدين في سلم الاعراق = كان اندفعت وبعتها بيعة ابريق
اشيل روحي فوق كفي للحداق = لاحدقت لي بالنظر جيتك امويق
واختامها رمحه على الروح تفاق = من رمش عينه سجل القلب توثيق
وســـــــلامتكم موجهه للعم العزيز: سعود عبيد العتيبي..