السلام عليكم ورحمة الله وبركاته وابارك للجميع بقدوم شهر رمضان المبارك
أخذت من عمري للأيام برهان = درساً مايشرح بالفصل للكتابه
والوقت قالوا عنه يكشف لك احيان = اوجيه تعرفها عقول اللبابه
مريت بالدنيا على ناس واخوان = ورفقة عمل وأحيان ربع وقرابه
وقتاً تشوف بدربك أشكال والوان = يال العجب وش كثر فيها غرابه
المال يكمل من حصل فيه نقصان = والفقر يظلم واحدن ينتخابه
هذي حقيقة وانشدو كل فهمان = حتى اختلاف الطّرق رغم التشابه
والحظ مثل النجم يبزغ ليا بان = وليا اختفى ربك عليم بغيابه
هذي ثلاث عقود لو زادت ازمان = من عمري البالي ولاحدن شقابه
واخترت من دنياي اربع ونيشان = خمساً عسى ربي يهون صعابه
الاوله والخوف خوووفك يمنان = أسالك عن شر الأمور اجتنابه
والثانية مرضات أبويه يرحمان = عساي ماكدر مزاجه بجابه
والثالثة بأمي اكون إلطف انسان = ادرى مشاعرها والاجر احتسابه
والرابعه من له حقوقً بالإحسان = عساي اتم الوصل وصل القرابه
والخامسه قصة يتيمة بعنوان = عنوانها ضاع الصبر والرجابه
عساي انا وياه بالخلد وجهان = بين الجنان وبين جمع الصحابه
لاني بالارض اشوف شتان شتان = بين النساء ومابين سيد الرحابه
اوصافها تحتاج معجم وديوان = وتركيز عالي واحتراف الخطابه
الزين فيها يوسفي والفخر بان = دين وإدب وسلوم فن وذرابه
وليلاً كساها تفهقه بين الامتان = استغفر الله والتجي من عذابه
وسطا عظم سلهامت أرموشه إدمان = اصير انا الريس لكل العصابه
يالله تجنبها صواديف الاعيان = وبحفظ ربي عن وجيه النكابه
واخر رجاء يالله ياعالم الشان = رد الحبيب اللي كواني غيابه
وســـــــــلامتـــــــــكم اخوكم ابونشمـي العتيبي
مـعـــجـــــم وديـــــــوان
العرض العادي
