السلام عليكم ورحمة الله وبركاته وعيدكم مبارك ولكم مني اجمل تحيه
يالعيد عيّت تكتمل فرحتي فيك = قلي عسى ماشر بينك وبيني
كل عام ياعيد العروبة أداريك = وأشوف وجهك ياالفرح ماتبيني
خلي سمح لي يوم لاحظ تحديك = من شان واقعنا تبيع الثميني
لبيه ثم لبيه لعيونها ذيك = لبيه من قلبن غزاه الونيني
أطلق بنات الأرض مافيه تشكيك = هذا صحيح القول واخذ اليقيني
الزين واجد والد لع منه يغريك = يشوش منها الحر منسب وديني
ومرابط الخيل الاصايل تكفيك = لاصرت تشقى في النسب يالفطيني
الأب جده متعبن خيل ذوليك = والآم أهلها مطلقين السجيني
بالجاه قالوا فك ماحط بيديك = وعند العزاوي جنب ضلعن متيني
فيهم من جذور الكرم حاتم أفتيك = ومدراك ماحاتم كريم اليميني
وختامها حبك سكن قلب مغليك = وعساى أحقق مطلبي يا ظنيني
وســــلامتـــكم ابو نشمي العتيبي
يالعيــد عييت تكتمل فــرحتـي فيك
العرض العادي
