يانديبي سر على كور قطعيّه=حرة من ساس ذرواة مفروده
ماحلا زوله بدوّه خلاويّه=كنها الربدا عن الدوح مطروده
راكبه ياصاح ياطيب النيّه=والضحى هذاك بالحزل منشوده
قل جرى يوم عبوس سمّك فيّه=زلزل الضلعان والقاع برعوده
بيننا كن الموازر ضحى الهيّه=ضوح برق الصيف والهند مجروده
والجنايز مثل جدع الجناديّه=قبل شرب الما على جال ماروده
والدما سالت على القاع سبليّه=عشيها للطير والذيب وجنوده
ستة اغواش شعالين مع ميّه=من رويل كنها الحيد مرجوده
سلّبو صبيان حايل قصاويّه=ورّدوا ورد على الماء ماكوده
لين بلوّا كل نفس شقاويّه=اشهد ان الطيب هم راس ماروده
يوم قام سعود ينخى الفداويّه=زادت الغلمان والعز بسعوده
شيخنا زبن الونيّه عن السيّه=في نهار يصبح الشيب مالوده
مزنة هل الغضب من جوانبها=قادها المولى على راس عدوانه
امطرت بالموت والفوت صايبها=صار بامره صبها فوق عدوانه
هلّت القصدير وسعود يندبها=وانزعج سوّ البلا قبل دخانه
الفخر والمدح للي بجانبها=يوم حل البين والنفس بلشانه
عاش من كفه ضحى الكون خضبها=يوم خطو اللاش به طارت اذهانه
امدحوا من هد وادمى مخالبها=قدم ربعه ماتتقى بحيطانه
امدحوا صبيان حايل جلايبها=وردوا بايمانهم كل عطشانه
يوم قام سعود بالصوت يندبها=وردوا حوض المايا على شانه
خلوا الشعلان تطرخ ذوايبها=عند غرس الجوف تروح منشانه
ذيبي اللي بالغضا لا تجنبها=عن هل العليا تراهم بجدرانه