كلمات وألحان وغناء

بسم الله الرحمن الرحيم

السلام عليكم ورحمة الله وبركاته


صباح الخير عليكم ...

أمس أتصل بي واحد من الأصدقاء .إنسان عليه طلعات غريبة هههههههههههههه وما تتوقع وش راح يسوي أو وش يقول .أتصل علي
و سلم وهو متصل أخر الليل

قال عبد الله . انت تسمع أغاني .قلت شر لا بد منه . وسولف ومهد لموضوعه قال فيه فنان شعبي .؟ يبي يسوي شريط وكذا ...و نبي نعطيه من قصايدك ...؟ استغربت منه وتوقعته يمزح معي وطلع صادق هالمرة . و رفضت عرضه وبلغته بالمنظور الشرعي اللي عندي
مع الرفض الاجتماعي لكوني شاعر غنائي .؟ ولكن ما مر هالموضوع بدون قصيدة وضحت فيها سبب ما بينته للمتصل . يمنعني من طرح قصايدي للغناء ؟

عيا ضميري يستطيب الأغاني=وقصايدي ما تنفعه نغمة العود
عزفتها مبطي بوسط المحاني=وابطت ولا عادة من الزين بردود
ما عاد ينفع عزفها بالكماني=ما دام ما وصلت على هبة النود
قلبي كتب له و الموصل لساني=لكن عنيده ممتلي قلبه بزود
ما قدرت حسي وصوت غلياني=الظاهر أن قلبه من العام مسدود
ولا شعوري ما أنحبك في بياني=ولا بياني والمشاعر بلا جود
تعبت أراسل طيفها في كياني=في كل ليلَ والملا كله رقود
لا صار ما به لي شهودَ عياني=تشهد على دمعَ ملى جيب وخدود
أقصد و أردد يا مليكة مكاني =أنتي ملكتيني مسافات وحدود
وأصحي و أواجه ما ظهر في زماني=ما كن لي شخصَ من الناس موجود
حتى الذي حدرت له علو شاني=ياما بدر من قلبها كبر وصدود
ما هي كفو شعري وجزل المعاني=لو كان له في مهجتي سبعة جدود
والله ما أخلي عشيرَ نساني=يرقص على جرحَ قطع طبه الدود

 

 

 

 

 

 

 

 

 

 

صح لســــــآآآآآآآنك ي الشلآقي..

ربي يكتب لك ولنا آلآجر فيمـآ نقوول ونفعلْ..

 

 

 

 

 

 

 

 

 

 

اخوي عبدالله الشلاقي صح لسانك ملاااايييين وبيض الله وجهك
ردك يثلج الصدر...تقبل تحيااااتي واحتراااامي

 

 

 

 

 

 

 

 

 

 

صح لسانك وعلا شانك
سلمت ولاهنت

 

 

 

 

 

 

 

 

 

 

بن بقار & ابو طارق & الغفيلي


لا هنتوا سلمكم ربي على المرور وصحت ابدانكم

 

 

 

 

 

 

 

 

 

 

صح لساااااانك يالشلاقي
وكفوووووو والله
اللي ينظر للمنظور الشرعي
بشره بالخير والله يغنيك عنهم
تسلم وتسلم يمينك يالشلاقي
اخوك سعود الترقصي

 

 

 

 

 

 

 

 

 

 

صح بدنك اخوي سعود لا هنت على المرور