في اوائل القرن التاسع عشر سير صفوق مع ركب على ابن سويط واثناء تواجده عند الضفير اغارعجيل
بن محمد السعدون ومعه المنتفق على الضفير وانتصروا المنتفق بتلك المعركه وقال ابن ربيعه شاعر السعدون هذه الابيات ولايخلوا الامر من المبالغه لان الشيخ صفوق جاي مسير
ابن سويط والمبالغه الشمري يلكد ظعينه نعم صحيح صفوق توجه من الحسينيه الى الشاميه
ديرة اسريا وخذا السبعه وكان مسيره بالمظاهير وصل الى ديار حوران وماتت فرسه جنوب الشام وللان يقال له تل الفرس وليس للشام فقط وعاد منتصراً وعند شمر يقال على هذا
المغزى السبع اكوان حيث حصلت سبع معارك كبيره
حــــــرٍّ مــــــن الـعـطــشــان يـــــــوم ادرج الـــحــــوم=وادوى غـــــــــــــدت خـــــــــــــرّام عــــقـــــبـــــان لــــيـــــنـــــة
هـجــيــج سـلــطــان الـسـويــطــي عــــــدا الـــكـــوم=والـــــشـــــمّـــــري لـــــلـــــشـــــام يـــــلـــــبــــــق ظــــعــــيــــنــــه
صاحوا علف، واشرف على راس مفهوم=مـــتـــحـــريٍّ يـــظـــهـــر مـــــــــن الــــشـــــرق عـــيـــنــــه
أحــــــدب أخــــــو كــيــســه بـعـســمــاه مــقــصـــوم=ثـــــــمٍّ دهـــــــش، والـــحــــق صـــقــــر ف يـمــيــنــه
قـــوطـــر فـــهـــد يــلــكــد، وعـــبـــاس مــــــن يـــــــوم=مــــتــــســــلّـــــفٍ قــــــــبـــــــــلٍ مـــــشــــــاويــــــر قــــــيــــــنــــــه
شـبــه الـعـقــاب الــلــي هــــوى الـبـحــر مـنـهــوم=شــــبّــــهـــــت طـــايـــحـــهــــم عــــقــــاريـــــق طــــيــــنـــــة
هــــــــذي عــــوايــــد مــــــــن تــــنـــــزه عـــــــــن الــــلـــــوم=والـــــلــــــي بـــــقــــــى مـــنــــهــــم تــــنــــكّــــس رهــــيــــنــــه
ســنــجـــار مـــانــــع، والــــوعــــد عــــدوتــــه يــــــــوم=نــــــيّــــــر بــــــهـــــــا الــــــديّـــــــان بــــلــــحـــــوق ديــــــنـــــــه
حــــــــرّم عــــلــــى مـــــــــن حــــاربـــــه لـــــــــذة الــــنـــــوم=لــــــــــو مــــــــــن ورا الــشــطـــيـــن بـــيـــنــــه وبـــيـــنــــه
يــــا ذيــــب يـالــلــي ضـــــاويٍ تـســجــم ســجـــوم=ذبّ الـــــــــــــعـــــــــــــوا لــــــــذيـــــــــابـــــــــةٍ بـــــالـــــدفـــــيــــــنــــــة
قــــــل لــــــه عــجــيــل احـــيـــى ربــيــعــك بـلـمــلــوم=والــــــذيــــــب الاخــــــــــــر بــالــنـــصـــيّـــة قـــطـــيـــنــــه
مـــبـــهــــم بـــــريـــــم الــــــــــراي نـــــقّـــــاض مـــــبـــــروم=يــــــفــــــداه مــــــــــــن شــــــوفــــــات قــــلــــبــــه بـــعـــيـــنـــه
مــلــجــم عـــصـــا الأومــــــا، وفـــكّـــاك مــلــجـــوم=عــــجـــــيـــــل كـــــــسّــــــــاب الـــــثـــــنـــــا والـــســـمـــيـــنـــة
مــــــــن الــــشــــام لـلـشــنــبــل لــســنــجــار لــــلـــــروم=ومـــنــــيــــن مـــــــــــا تـــــومــــــي رعـــــايــــــاه أمـــيــــنــــة
عــلــيـــه مـــــــن كــــــــون الــمــقــيّــر إلــــــــى الــــيــــوم=مـــــتـــــقـــــلّـــــدٍ قــــــــــلــــــــــب الـــــنـــــعـــــامـــــة قــــــريـــــــنـــــــه
مــــا قــــال نـظـهــر بــــه مــــن الــهــور لــحــزوم=لــــــــــى عــــــــــاد مـــجــــمــــول الـــــحــــــلا دافــنـــيـــنـــه
يــــــقــــــول لـــــــــــــو فــــــزنـــــــا بـــــــــــــلازم ومــــــلـــــــزوم=عــــــــــــــدوّنـــــــــــــــا بـــــــحـــــــرابــــــــنــــــــا مـــــــأدّبـــــــيــــــــنــــــــه
عــــــــلــــــــق بــــــــكـــــــــفٍّ صــــــــايـــــــــدٍ دايـــــــــــــــــمٍ دوم=صـــــيـــــده شــيــاهـــيـــن الـــــتـــــلاع الــحــصــيــنــة
محيي ل (كبش الهاشمـي) سالـف رسـوم=لا زال كـــــــــسّـــــــــاب الــــمـــــعـــــالـــــي بــــحـــــيـــــنـــــه
الــــمـــــدح فـــــــــي غــــيـــــره خــــســـــارة ومـــــذمـــــوم=ونـــشـــر الــثــنـــا يـــهــــدى لـــمــــن هـــــــو يــزيــنـــه
تــلـــقـــى عــــلــــى الــلـــومـــان جــثــيــاهــم رجـــــــــوم=ومـــنـــداتـــهــــم تــــــجـــــــذب عـــلـــيـــهــــا عـــطـــيـــنــــه
حـامــي جـوانــب سـاحـتــه مــــن عــنــا الــــروم=حــــــــاوي خــــصــــال الـــحـــمـــد دنــــيـــــا وديــــنـــــه
واســـلـــم ودم مـــــــا قـــوطــــر الـــركــــب بــيــمـــوم=عــــــقـــــــب الـــحـــجـــيــــج لــــســــاكـــــنٍ بــالــمـــديـــنـــة
وبعد ان وصلت القصيده لشمر طلب عبد العزيز القصيمي ان يرد على ابن ربيعه ولكن الشيخ صفوق رفض
وقال له لاتتفوه بكلمه بدون فعل وتكاملت شمر بقيادة صفوق واغار على المنتق وكان النصر حليف شمر
وقال عبد العزيز القصيمي هذه الابيات التي وجدت في مخطوطه قديمه
ياراكب حر ٍهميم ٍلياقام=يطوي مسير العشر في ربع يوما
تلفي عشير ٍللمقابيل زقام=ان كانوااصحاب ولو كان قوما
ابن ربيعه زبن من جاه منضام=ابن الذي حمال مانيب دوما
قل طيرك اللي تصقر به من العام=اللي يروم مشمرخات الخشوما
اللي نحا سلطان صفوق للشام=والخزعلي تذكر مرق من هدوما
غذيت له طير ٍللاطيار طمام=يدعي الطيور ان طار عمي ٍطروما
صاحوا علف واشرف على راس مرجام=وطالع بوادي الجوف حوما
ودلا يقد الجو تقديدة الخام=وتوحي لابن معجل بكفه بغوما
وصاحوا علف واشرف على راس جرثام=واقفن عنه عقبان الأزرق خروما
وادلن على ابن مهيدواقفن خرام= خيله ومزبانه حرستا ودوما
فكواله البرقع وصفوله ازلام =يحيون خلاط الشحم للحوما
لو الصقاره(.صفوق)تر الطير زرام= ان هد شبعان خطيريهوما
خله ليامن العرب كل ٍ اعتام=على الطمع كل ٍيعرك الخشوما
هدوه وادلا يم ديران الاروام= واودع طوابير العساكرهجوما
غشام طرح الشام للصيد جشام=في راس قواد الجميله يهوما
اشقر ومخلابه كما ناب ضرغام=صيده صناديد العيال القروما
لولاب دولاب للابواب قصام= لبيبان صعبات المعاني قصوما
حر غشمشم للثريا شهل زام=بالعفرته فكاك باب الحكوما
الطير برقعناه واصبر لك ايام=يما يقال الما انتثر من غيوما
وتقنص بلماتك عبيد ٍ وخدام=ويقنص بقوم ٍكل ابوهم عموما
وتطالع جهام ٍواطالع لك جهام=بقاع ٍسهاكيك ٍسماح ٍدموما
وامشع سبوق اللي كما زرقة القام=ويشهر سميح الريش يم النجوما
ويدلي عليك اللي للارواح سوام=بعقبان ٍاطرفهم الد الخشوما
وشمر هل الشيمات في كل مقدام=ياباعوا الشيمه هله للحكوما
وتبغى الهجه عنه ماعنه مهزام=واعزتي لك لاي دار تروما
ولاظنتي تلقامنجوي من صطام=لطيرك لياجنك طيوري تحوما
يتلون من لارباع الاضداد هدام=كم هجمة ٍ جروا عليه وسوما
حيد ٍلياهاج اودع الزمل خرام=وكم عضم حيد ٍحط ساقه لهوما
سيف ٍلعضم الضدبالكون كصام=ومن ناش مارد لصلاته وصوما
عد ٍ على هطل المفاريق جمام=عليه عركات البوادي رجوما
ان قيل منهوقل لهم ريف الايتام=صفوق مخرب راي سود الختوما
وصلوا على المختارماطف دمام=وان جت ارياح العواصف سموما
الشاعر صالح بن محمد بن عجاج الحريري أبن الذي زهد على الشيخ بنيه في مجلس بن حمود
الثامر السعدون و أرسل قصيدته هذه لشيخ صفوق بعدما رجع إلى بغداد :
يــــــــــــــــــــــــا راكب ٍ حمرا توازن عدالــــه= نــــــــــــــــــــابي فقاره تفهق البد بمتــــــــون
يـــــــــــــــــــــــا راكبه إكرب ملاوي حبالـــــه=مــــــــــــــن ( المقير ) فجة النور تقفــــــــون
مـــــــــــــــــــن النعامة في صحاصيح لالــــــه=لا ذيـــــــــــــره أهل التفق يوم يرمـــــــــــــون
تنــــــــــــــــــحرت رجم ٍ أودعت به عيالـــــــه=قــــــــــــبله على حمر الحلاقيم يرمــــــــــــون
تـــــــــــــــــحزبوا له و افطنوا عن خمالـــــــه=مـــــــــــــسوا غزال شدادها لا تطيحــــــــــون
لا جـــــــــــيت ( أبو فرحان ) صك الثنالـــــــه= إهــــــــــرج ترى علم الفرح له يسالــــــــــون
فــــــــــــــــــي ربعة ٍ يزهاه رجال الشكالــــــــه= شــــــــيخ ٍ إمجدد مرمس الثار و ديـــــــــــون
زيـــــــــــــزوم غلبا لو توصف إفعالــــــــه= شيـــــــوخ العرب عنها قصر فعلهـــــــــم دون
صــــــــــــفوق عوق الضد إليا نوالـــــــــه= عـــــــاقه مثل موسى الذي عاق فرعـــــــــون
قـــــــــــــــــله : نزلنا دار عرب السلالــــــــــه= عــقيل أخو سعدا مواريث سعـــــــــــــدون
ما هــــــــــــــو ردي ٍ جاه سيل ٍ و شالــــــــــه= زاحـــــــــــــــوه ربع ٍ لا مشوا ما يكنـــــــــون
شـــــــــــمر إليا ركب الرشا للمحالــــــــــه= عــــــــــــــــــدوهم يقفي ذليل ٍ و مغبــــــــــون
و قــــــله : شربنا الكيف من فوق جالـــــــــــه =و عـــــيال غلبا من سطرهم يغنـــــــــــون
و اللـــــــــي بنا باروا من نهار الصيالــــــــــه =هــــــفوا مع المنشا عسى ما يثنــــــــــون