السلام عليكم ورحمة الله وبركاته
ياخوك جرح الحب منهو يداويه = تكفى لدكتور الفؤاد أوصلوني
خلي أشوف القلب متولع(ن) فيه = من سبته ياخوك تسهر عيوني
سافر وأنا محتار والقلب هاويه = وحلفت مانسى صاحبي لو نسوني
أقفى مفارقني وانا العين تبكيه = ومن عقبهم ياخوك تصرخ شجوني
ضيعت قاف الشعر لاجيت أغنيه = وآجهر بعال الصوت لامن لفوني
وتارد على قلبي هواجيس غاليه = ياكثر سجاتي بعد فارقوني
وان طاح ساس الحب طاحت مبانيه = وطال الفراق اليوم بينه وبيني
عزي لمن ضاعت بخله هقاويه = وضاع الدليل وخيبني ظنوني
وقلبي مابين الناس حل العزاء فيه = سبت وليفن صورته في عيوني
يابو طلال العين تسهر وترجيه = والنفس ماتقبل اذا كلموني
وعقبه كرهت الحب حاظر وماظيه = وصديت عن عذالنا وأشغلوني
وســــــــلامتـــــــــكــم ,,